Aiseya 51:11 - ALLALA KUMƐ

¹¹ I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 51:11 ပူးပေါင်းရင်းမြစ်များ

Yaburi 126:2

Ma yɛlɛnta ka siginu sa kati! Wo kɔma, sibolo-gbɛrɛnu ya a fɔ ko, “Mari le wara ko-makawani-siyaman kɛ kɛnu ye kati!”

Yaburi 126:5

Minnu si fen-fuyi kɛ yisi-tinyɛ rɔ, wonu denu si fen-tɛgɛ-kɛ sewɛ rɔ.

Aiseya 11:15

Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 55:12

Wo kunyɛ sewanɛ si bɔ biralɛ rɔ ka nyɔ boloka yisi-kimɛ rɔ. Kɔnkɛnu anubɛ gburukulinu si bara sigi-sa-tinɛ wo yala. Kɔlɔma bɛɛ si lɛnkɛ gbesi.

Aiseya 61:7

Wola miliyɛ si a laban wo bolo fen-tigiya-wa-belebele ma. Fen-tigiyɛ wo si a ma, wo ni sewa-belebele-wɛ kɛ. Mari si wola nyamanɛ kɛ nyɔgɔn fila di wo ma tun. Tɛtɛgɛ-wo-tɛtɛgɛ ti taran wola sewɛ la muk!

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 21:1

Wo kɔma, n ya san-kolo-kurɛ yen anubɛ dugu-kolo-kurɛ. San-kolo fɔlɔtɛ anubɛ dugu-kolo fɔlɔtɛ, wonu bara tenbi ka tunu yen, ado kɔgɔ-yi fanan sa nyɔ tun.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 22:3

Fenfen min bi Allata dankɛ kɔrɔ, wo ti taran soe wo burɔ. Alla anubɛ saga-danta mansaya-sigi-fan si taran soe wo burɔ. Ala wɔli-kɛlɛnu si to a batola.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”