Aiseya 51:10 - ALLALA KUMƐ

¹⁰ Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 51:10 ပူးပေါင်းရင်းမြစ်များ

Yaburi 106:10

A ya anu nakanan anu gboyana-mɔgɛnu masibɛ ma. A ya anu kisi anu yogenu ma.

Yaburi 106:9

A kumara Kɔgɔ-Yi-Wulan ma, wo gbalata a worɔn la todo! A sɔra ala mɔgɛnu yarɔ ka dugu-gbalanɛ wo ratɛgɛ.

Yaburi 74:13

I ya yi fara fila la i sɛnbɛ-makawanɛ la. Ninkinankɛ min tɔgɛ Lifayatan, i wara wo kunyɛnu tatii pɔ!

Yaburi 77:19

Kilɛ sanɛ i bolo kɔgɔ-yi-dumɛ tɛma kɔnɔ mɔgɔ-wo-mɔgɔ ti i kin-gbɛ yen.

Bɔ-Koe-Iyipiti 14:29

Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Aiseya 11:15

Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 35:9

Yara ti taran nyɔ. Sogo-ferema wo sogo-ferema ti a kian sɔ nyɔ. Mari ara anu denu minnu dɔrɔn nakanan, wonu denu si bɔ kilɛ wo fɛ ka ta anu barɛ.

Aiseya 42:15

A si kɔnkɛnu anubɛ gburukulinu tii mɛmɛ! A si binyɛ anubɛ kɔlɔmanu gbala. A si ba-lɛɛ anubɛ bɛnu ma gberende la! Yi-kundi minnu siginɛ a rɔ, a si wonu gbala todo!

Aiseya 43:16

Bi ko ma, Mari ya kilɛ laka kɔgɔ-yi rɔ. A ya kinna-kilɛ sa yi-makawanɛ tɛma.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Maika 7:15

Mari, i yandi, i ni ko-makawanɛ kɛ ma ye iko i ya a ma mala mɔgɛnu ye nya min nun anu bɔɛ Iyipiti nyamanɛ rɔ.

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.