Aiseya 50:8 - ALLALA KUMƐ

⁸ Alla ye n dafɛ min kɛ, wo si a yira mɔgɛnu na ko fɛɛ sa n na. Mɔgɛ do ye nyɔ, wa, min si a tui ko-yogomɛ sigila n na? Nba, ma ni ta kiti-sa-tinɛ ma nyɔgɔn fɛ. A ni n sɔn yira n na.

Aiseya 50:8 ပူးပေါင်းရင်းမြစ်များ

Yobu 13:19

Yon si n sɔsɔ kɛ ma? Ni n yo sa a rɔ, n si n fara n fɛɛ kɛ la ka faga.

Yaburi 119:151

Kɔnɔ ile Mari gbɛrɛnnɛ n ma. Ita tɔn fenfen ti ban.

Bɔ-Koe-Iyipiti 22:9

“Ni mɔgɛ donu sɔsɔra fan do kuma, a mara kolo-fen na wo, a mara kura la wo, a mara fenfen na, anu ni ta nde, Mari Bato-Bɔn la. Ni nde, Alla ya min yiliki, anu sɔsɔra min kuma, wo si wo nyɔgɔn fila lasɛgi a ta-nyɔgɛ ma.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 41:21

Mari, Isirɛlata mansɛ, kɔni, wo le wara kɛ fɔ. “Wole sibolo-gbɛrɛ-bɛsɛnu, wo ni wo rabɛn kitila ko la. Wo na wola sɔsɔli-sala-dɛgbɛnu na wo bolo.

Aiseya 43:26

Mari ko ma dama ni ta kiti-bɔn la ka a maburi nyɔ rɔ. Ma ni mala kiti layɛlɛ ka a yira ko yoe ye ma bolo.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Matiyu 5:25

“Ni i bilara mɔgɛ do la, yanni a ni ta i lakiti, i ni a madiya. Ni i ma wo ma, a si ta i la ka i don kiti-tɛgɛlɛnu bolo. Wonu si i don i maralɛnu bolo. Wonu fanan si i sa yele la.

Tɔn-Fɔɛ-Fila-Nyɔgɛ 19:17

anu mɔgɔ fila si ta Marita kan-tina-yabɔnɛ wo rɔ. Saraka-masɔlɛnu anubɛ kiti-tɛgɛla-kun-tiginu si kiti wo sa.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Lankɛnimayɛ 12:10

Wo kɔma, n ya kuman-kan-ba lamɔɛn Arinyɛni tɔ. A ko, “Allata kisi-koe ara na de! Alla ara ala mansaya-sɛnbɛ mayira kaka! Ala Mɔgɔ-Yabɔnɛ ara ata sarati mayira gbɛ, ado ale min bi sɔla Alla yakɔrɔ ka ma na-kelen-nyɔgɔ dɛnkɛninya-mɔgɛnu maburi su-ni-tele, wo la ara fili ka bɔ Arinyɛni tɔ.