Aiseya 50:6 - ALLALA KUMƐ

⁶ N bara n wasa don n fɛrɛ rɔ n gbesilɛnu ye. Min bi n da-buyɛ mawurunna, n ya n dɛ lata wonu bara la. Anu bi n mayɛlɛnna ka anu nɔgɔ-yi kɛ n ma kɔnɔ n ma n yakɔrɛ bɔ anu kɔrɔ.

Aiseya 50:6 ပူးပေါင်းရင်းမြစ်များ

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Yobu 16:10

Mɔgɛnu bi anu dɛ murundula-a-la n ma. Anu bi n dɛ le tatiila. Anu bi kɛla n ma nya-kun-kelen.

Yobu 30:10

Anu bi n magboyala ka anu masɛgi n na fass! Anu bi anu nɔgɔ-yi kɛla n yakɔrɛ ma.

Yaburi 129:3

Anu ya n kɔmɛ rafarafara bosɛ la. N kɔmɛ mara iko sara-ninki dugu-sin-gbɛ.

Yaburi 69:7

Anu bara n mamɔɛn ilela ko la. N bara miliya dɔgɔma-ma-de!

Yaburi 69:8

N gboyanɛ n na-kelen-nyɔgɛnu ye iko mɔgɔ-gbɛrɛ. N bara ma nna denbayɛnu yala iko sundan.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Aiseya 53:7

A ma kuma-wo-kuma fɔ a latifi-tafilɛnu ma. A madenɛ iko anu bi nala saga-dan min mala sarakɛ la. A radenɛ don, iko anu bi nala sagɛ min siyi matɛgɛla. Hali da-nya-fa kelan, a ma tɛgɛ.

Nimisa Koe 3:30

Hali anu ya gbesili anubɛ mɔɛn sigi ma ma, ma si ma munyu wonu kɔrɔ.

Maika 5:1

“Kɔnɔ kaka gbɛ, wo ni wola kɛlɛ-dannu nadɛn kan-tina-kelen bawo ma yogenu bara na bui ma ma ka ma kɛlɛ. Anu bara Isirɛla mansɛ dɛ ratii a kɔrɔ-sɔ-sewuri la.”

Yilan-Yilan Koe 12:14

Mari ya a fɔ Musa ye ko, “Kɔnɔ ni mɔgɔ fa ya nɔgɔ-yi kɛ ala den yakɔrɛ ma ka a layarabi kɛ nya, den wo ti miliya wola ko la tele wɔrɔnfila kɔrɔ, wa? Woletɔ wa a labɔ dagɛ kɔma tele wɔrɔnfila kɔrɔ fanan. A ni kofu kiraya-yogoma-tiginu ma nyɔ miliyɛ kɛla ko la. Tele wɔrɔnfila wo wa ban tumɛ min, a si na tun.”

Matiyu 26:67

Nba, anu ya anu nɔgɔ-yi kɛ a yakɔrɛ ma ka a gbesi. Donu ya a dɛ ratii.

Matiyu 27:26

Ale Pailɛti ya Barabasi boloka. A ya a ma, anu ya Yisa gbesi ka a don anu bolo a gbangban-koe la kɔlɔma ma.

Matiyu 27:30

Anu ya anu nɔgɔ-yi kɛ a ma. Anu ya kɔlɔma wo bi a bolo ka a gbesi a kunyɛ rɔ.

Matiyu 5:39

Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Maraka 14:65

Donu wulita anu nɔgɔ-yi kɛla Yisa ma. Anu ya a yɛ lakiri ka a matugu. Anu ko, “Min ya i tugu, i bole telen wo la!” Kandannɛ wonu ya a bira ka a dɛ ratii.

Maraka 15:19

Anu ya a gbesi a kunyɛ rɔ kɔlɔma la ka anu nɔgɔ-yi kɛ a ma. Anu ya anu nyɛnkin a kɔrɔ ka a ma iko anu bi a gbiliyala.

Yɔni 18:22

Yisa ya kɛ fɔ tumɛ min, Alla-Bato-Bon kandannɛ minnu bi nyɔ, kelen ya a dɛ ratii. A ko, “I ye kumala saraka-masɔla-kun-tigi-wɛ ye ka le?”

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.