Aiseya 50:1 - ALLALA KUMƐ

¹ Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 50:1 ပူးပေါင်းရင်းမြစ်များ

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

2 Mansɛnu 17:17

Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

2 Mansɛnu 4:1

Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

Nihɛmaya 5:5

Yanni ma ni duti wonu yili-sarɛ sɔrɔn, fɔ ma wa mala dannu denu mayira ka wonu ma yɔɔnnu na, ado male donu bara ban mala dunmusinu mayirala. Ma ti ke ko-wo-ko nɔla tun yigi-tɛgɛ bolo bawo mala wɔli-kɛ-tinɛnu bi gbaran rɔ. Yele kelen de male Yahudiyanu na wona. Anuna dannu kin matɛnu ko, wa?”

Ɛsita 7:4

bawo anu bara ban mabɛ nna mɔgɛnu kunyɛ donna bolo tɔ ka ma sugi lato. Ni a tonɛ yɔɔnyɛ gbansan le ma dɔrɔn, n ti wo fɔ i ye nun kɔnɔ anu bi nala ma ban tinɛ le kɛ la fegba!”

Yaburi 44:12

I ma ila mɔgɛnu dɛ lagbɛlɛya. I ya ma mayira ka ma ma iko fan min dɛ ma gbɛlɛ.

Bɔ-Koe-Iyipiti 21:7

“Ni kei do ya ala dunmusi mayira a ta-nyɔgɛ do ma ka a ma yɔɔn-musi la, yɔɔn-musi wo kana hɔrɔya san wɔrɔnfila nyɔgɛ ma iko yɔɔn-kei.

Aiseya 1:28

Kɔnɔ mɔgɔ-wo-mɔgɔ wa hakɛ kɛ ka murutiya a ma, a ko a si wo tigi bunden. Min bɛɛ bannɛ a la, a si wo bɛɛ faga.

Aiseya 27:8

Mari ma ala mɔgɛnu tɔrɔ wo nya na fɔ kɛlɛ tara anu na min kɛ. A tara anu na iko fɔn-gbɛlɛmɛ min bi bɔla tele-bɔɛ wara la wo ye tala fen-gbalɛ la nya min.

Aiseya 43:27

Ma benba-fɔlɔfɔlɛnu ya hakɛ kɛ. A ko mala kun-tiginu murutiyara a ma fanan.

Aiseya 46:8

Mari ko wole min bara wo kan-kɔ sɔ a la, wo ni wo hɛnkili lamiri kɛ ma. Wo ni wo miri tun, ale Mari ara min ma.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Aiseya 54:6

Ile Yerusalɛm makinikininɛ iko nyaganɛla kei wa a boloka, a ya min biri-musi furu. Kɔnɔ Mari si sɔn ile la tun ka a fɔ i ye ko

Aiseya 54:7

a ya a ban i la wati-kundu-ni kɔrɔ kɔnɔ a ko a si i bi tun kinikini-belebele la a bolo.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Yɛrɛmaya 3:8

Isirɛla nyɛrɛ ya a lɔn ko n bara a boloka nun ka a tɛgɛ ala yɛlɛnyɛ ma iko kei si ala musi boloka nya min. Kɔnɔ hali wo, wo ma a na-kelen-nyɔgɛ Yuda lakilan. Wo fanan tara anu sa bɛsɛnu kɔrɔ,

Yɛrɛmaya 4:18

A ko wo sɔn anubɛ wo kɛ-nya le wara kasarɛ kɛ lana wo kuma. A ko wo ye tɔrɔla nya min, wo le kɛ la. A ko dumɛ si wo sɔgɔ wo yisi rɔ.

Hoseya 4:5

Wo ye buila hakɛ rɔ su-ni-tele, ado wole, nɛbinu ma tenbi wo la nya-wo-nya. N si wole, Isirɛla mɔgɛnu nato.

Saraka-Masɔlɛnuta Tɔnnu 25:39

“Ni wo sigi-nyɔgɛ Isirɛla mɔgɛ do bolo-kolonyara, ni wo tara ile nɔnfulu-tigi wara ka a nyɛrɛ sigi tulumɛ la i ma, i kana a lawɔli iko yɔɔn bawo ndeta yɔɔn le wole Isirɛla mɔgɛnu na. Nde le ya wo labɔ Iyipiti woletɔ wo kana wo nyɔgɔn mayira iko yɔɔn. Wo kana wo nyɔgɔn bira boloko-yogomɛ-kɛ iko yɔɔn. Wo ni kilan nde, Alla la min ya wo hɔrɔya. I ni a lawɔli iko ila wɔli-kɛlɛ min bi a sarɛ sɔrɔnna, ado a si to wɔlila i ye ha Mɔgɔ-Halala-Fan-Lasɛgi-San wa ke. San kɛ nyɛrɛ wa ke, anubɛ ala denbayɛnu si bɔ i kɔrɔ. Anu si ta anu sigi anu kebila-mɔgɛnuna dugi rɔ min dira anu bɔnsɔn ma nun.

Matiyu 18:25

Min bi a bolo, a ma yili-sarɛ bɔ min kɛ, mansɛ ko ale wo, ala musi wo, ala dannu wo, anu ni anu mayira iko yɔɔnnu ka a bolo-fan bɛɛ mayira alako ala yili si sara nya min.

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.