Aiseya 5:29 - ALLALA KUMƐ

²⁹ Kɛlɛ-dannu bi bɔrɔndɔ-bɔrɔndɔla iko yara-tamatoe tenbi ala sogo-faganɛ saganna, fen ti a bi a da la kan min.

Aiseya 5:29 ပူးပေါင်းရင်းမြစ်များ

Ko-Dabirɛnu 49:9

Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

Yaburi 50:22

“Wole min bi wo banna n na, wo ni wo tole masɔ. Ni wo ma, n si wo halaki, ado wola kisila ti taran.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Aiseya 35:9

Yara ti taran nyɔ. Sogo-ferema wo sogo-ferema ti a kian sɔ nyɔ. Mari ara anu denu minnu dɔrɔn nakanan, wonu denu si bɔ kilɛ wo fɛ ka ta anu barɛ.

Aiseya 42:22

Kɔnɔ kaka, ala mɔgɛnu yogenu bara anu kankan ka anu tagbɛrɛnnɛ to yele la. Anu kankannɛ dogonnɛ ara to yele la, ado anu nabɔla fenfen ti taran nyɔ.

Aiseya 47:15

I wara i to lole-lakɔrɔsilɛ minnu ma kebi fɔlɔ, wonu tɔnɔ ti taran i ma hali! Wonu si i bolokanɛ to ka ta anu ye fulufele, ado i lakananna fenfen ti taran.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 49:19

Mari ko a si a ma, Idɔm kɛnu ni anu buri iko yarɛ wa bɔ Yorodan-ba-gbɔngbɔn rɔ ka ta a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye Idɔm kɛnuna nyamanɛ wo marala. Mari ko ale Mari nyɔgɔn sa nyɔ. Yon si a kɔgɔ raka a ye? Kun-tigi yon si ke a rasɛla?

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 51:38

Babilɔn kɛnu mani de nun iko yara-feremɛnu. Anu bi wɔrɔndɔla iko yara-bulannu.

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Nehami 2:11

Wole Ninɛfa kɛnu, wola soe kɛ ye mintɔ gbɛ? Fɔlɔ nun, a manɛ iko yara-wɔrɛ. Fɔlɔ nun, a mani de iko yara-bulan de-nyini tinɛ. Fɔlɔ nun, wola soe kɛ lafɛrɛnɛ iko yara-denbɛ anubɛ a dan tenbi faran la,

Sɛfanaya 3:3

Yan-mɔgɔ-banu anubɛ yan-kiti-tɛgɛlɛnu mani de iko yara-kɔnkɔtoenu. Anu ba fenfen sɔrɔn, anu si wo kunyɛ lagbana. Anu ti sinan sigi.

Sakaraya 11:3

Wo ni wo tole masɔ saga-fɛ-biralɛnu di-kɛ-kan la bawo kolo-fen de-nyini-tinɛnu na ara gbana. Wo ni wo tole masɔ yarɛnu worondo-kan la bawo anu bi anu sala fɔgbɛ minnu kɔrɔ Yorodan bɛ dala, wo bɛɛ ara ban.

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”