Aiseya 5:25 - ALLALA KUMƐ

²⁵ Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Aiseya 5:25 ပူးပေါင်းရင်းမြစ်များ

1 Mansɛnu 14:11

Mari ko Mansa Yɛrabowami na-kelen-nyɔgɛ minnu bi fagala soe tɛma, wulinu denu bi wonu furinu dɔnna. Minnu bi fagala binyɛ rɔ, konanu denu bi wonu furinu dɔnna. Ale Mari le ya kɛ fɔ.”

1 Mansɛnu 16:4

Ala denbayɛ fenfen ba faga soe tɛma, a fɔ a ye ko wulinu denu bi wo suyi dɔnna. Minnu bi fagala binyɛ rɔ, konanu denu bi wonu fanan suyi dɔnna.”

1 Mansɛnu 21:24

ado i na-kelen-nyɔgɛ minnu ba faga soe burɔ, wulinu denu bi wonu suyi dɔnna. Ni minnu fagara binyɛ rɔ, konanu denu bi wonu suyi dɔnna.”

2 Mansɛnu 13:3

Wo le ya a to, Mari fonde bɔra Isirɛla nyamanɛ kuma. Mari ya a ma, Siriya Mansa Hesiyɛli anubɛ ala den Bɛnhedadi mɛra Isirɛla mɔgɛnu kun na.

2 Mansɛnu 9:37

A ko a toe min bi tola, wo ra si nyɛnsɛn dugi ma iko ninki-nyɛ. Mɔgɔ-wo-mɔgɔ ti sui a ma tun ko Yɛsɛbɛli le.’ ”

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yobu 9:13

Allata diminyɛ dan sa. Hali kɔgɔ-yi-nyinɛ minnu bi ninkinankɛ dɛnbɛna, wonu si anu madu a kɔrɔ.

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Yaburi 114:7

Ile dugi, i ni yɛrɛyɛrɛn Mari yarɔ, Yakobata Alla, kɔni.

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Yaburi 68:8

dugi yɛrɛyɛrɛnta, bandɛ ya a dɛ bɔ a kɔrɔ bawo ile Isirɛlata Alla ya i nyɛrɛ yira anu na Sinayi kɔnkɛ kuma.

Yaburi 77:18

Ila san-sɛrɛn-kan ye bɔla iko mɔgɛ tenbi durɔmu-takolɔn makuru-kurunna. Ila banda-nyin-masɔgɛ ye malanna duninya kuma. Dugi nyɛrɛ ye yɛrɛyɛrɛnna.

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 83:10

I ya anu nɔ Ɛndɔ soe burɔ. Anu furi tulunta dugi ma nyɔ.

Bɔ-Koe-Iyipiti 7:19

Mari ya a fɔ Musa ye tun ko, “A fɔ Aruna ye ko a ni ala sewuri wo bi ka a rasagan Iyipiti yinu kuma, anuta bɛnu wo, yi-bolɔnnu wo, anuta dalɛnu wo, anubɛ yi minnu bi yi-dagɛnu tɔ, wonu si ma yele la. Yi siginɛ kan-bo-kan, hali a taranta yi-dagɛ le tɔ, wo bɛɛ si yɛlɛma yele la.”

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 14:19

kɔnɔ ile Babilɔn mansɛ ma sa kaburu tɔ fɔ anu ya i furi lakɛ-a-rɔ le alako a ni tuli. Anu ya a lakɛ-a-rɔ fole burɔ ka ila kɛlɛ-dannu furi lakɛ i kuma. Mɔgɛnu ya i furi ratɛntɛn anu kian kɔrɔ.

Aiseya 23:11

Mari ara a kɔɛn kɔrɔbi kɔgɔ-yi dafɛ-nyamanɛnu kasara-koe la. A ara a latɛgɛ ko fɔ a wa Kenan kɛnuna so-gbɛlɛmɛnu kasara.

Aiseya 25:11

Alla si anu mayɛlɛn ka anu digin dugi la iko mɔgɛ tenbi a maminna dumɛ tɛma.

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Aiseya 64:3

Ma ara tɛrɛna koe donu na ile Mari bolo, ma miri sa minnu ma. I yigira tumɛ min, kɔnkɛnu yɛrɛyɛrɛnta kumakɔɛ bolo.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Aiseya 9:11

Mari ara anu yogenu nawuli anu kan ma.

Aiseya 9:16

Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali!

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:20

Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn.

Aiseya 9:21

Hali Manasa kegeyɛ anubɛ Ifɛrɛm kegeyɛ si anu nyɔgɔn kɛlɛ. Wati do wa ke, anu na si kofu ka Yuda kɛnu kɛlɛ. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 15:3

Mari ko a si kasara-su nani natugu wole, Yuda kɛnu kan ma. A ko a si kɛlɛ lana min si wo lato. Wo kɔma, a si wulinu nana minnu si wo furi sagan. Wo kɔma, a si konanu anubɛ firarɔ-sogenu nana minnu si furi wonu tafarafara anu dɔn-tinɛ.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 4:24

N ya kɔnkɛnu mafɛlɛn, anu bi yɛrɛyɛrɛnna. A bɛɛ ye magala a rɔ.

Yɛrɛmaya 4:8

Wo ni kasa-kurɛ bila wo kan na. Wo ni di biribiri, ka wo dɛ sa-a-rɔ bawo Marita diminyɛ ma a kan-kɔ sɔ wɛ wo la.

Yɛrɛmaya 6:12

Wo halala-bɔnnu si to mɔgɔ-gbɛrɛnu bolo. Wola musinu anubɛ wola wɔli-kɛ-tinɛnu si di mɔgɔ-gbɛrɛ ma. A ko a wa a kɔɛn kɔrɔbi, a si wole, Yuda mɔgɛnu tɔrɔ.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Yɛrɛmaya 9:22

Mari ko n ni a fɔ wo ye ko furinu bolokanɛ ye tala iko ninki-nyɛ. Anu bolokanɛ ye tala gbɛ ma iko fui-fen-tɛgɛlɛ ye bolofɛ tola a kɔma nya min. A madɛnna fenfen ti taran.

Isikiyɛli 15:6

Ma Tigi Mari kan le kɛ la ko, “Iko mɔgɛ ye nɔnbɛ bila firɛ rɔ nya min ka a mintan, n bi Yerusalɛm kɛnu

Isikiyɛli 30:25

Ɔnde, n si Iyipiti mansɛ fanka mayigi ka Babilɔn mansɛ fanka mayɛlɛ. N ba nna faan don a bolo, a wa faan wo sungban telen Iyipiti la, bɛɛ si a lɔn wo rɔ ko Mari le nde la.

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Emɔsi 8:8

A ko a si dugi layɛrɛyɛrɛn wo la ha wo ni kilan. Dugi wo si yɛlɛ wo la ka yigi iko Nayɛli bɛ si fa nya min ka sagan.

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Sɛfanaya 1:17

Mari ye a fɔla ko a si kasara-su min nana hadama-dannu kuma, wo si a ma, mɔgɛ bɛɛ ni ta a bole mɛmɛla iko fiyɔn. Anu bara hakɛ kɛ Mari la ka bila a la, woletɔ anu yele si to bɔla iko yi, ado anu suyi si to sani dugi ma kan-bo-kan ka tuli.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 31:18

N ti sɔn anu dɛnbɛna bawo anu bara ko-yogomɛ ladan ka bɛsɛnu kɔ.”

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.