Aiseya 5:19 - ALLALA KUMƐ

¹⁹ Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Aiseya 5:19 ပူးပေါင်းရင်းမြစ်များ

Aiseya 30:11

I bɔ ma lagbaranna. Ma sa nyinina ita Isirɛla mɔgɛnuta Alla-sɛnimɛ wara-koe ma.”

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 17:15

Yuda mɔgɛnu bara nɔrɔ n manyinikɛ ma fantin! Anu bi tola n mayɛlɛnna ko, “Marita wɔlɔyiya-kumɛ kɛ ye kama? Nba, a ni bɔ-a-la ma yala.”

Yɛrɛmaya 23:18

Nde, Yɛrɛmaya ko nɛbi kɛnu do-wo-do ma Mari gbundu-koenu lɔn. Ha bi, nɛbi kɛ fen ma ata kilayɛ lamɔɛn, ni wo ma, ka a kɔrɛ lɔn. Anu ma anu tole sigi Mari kan kɔrɔ mumɛ!

Yɛrɛmaya 23:36

Kɔnɔ wo kana a fɔ tun ko, “Marita kuma-gbilimɛ le kɛ la,” bawo wo sa fenfen fɔla fɔ wo ye kumɛ minnu nabɔla wo kunyɛnu tɔ, ado ni wo tuira wo ma tinɛ, kumɛ wo si ma kumɛ la wo kuma. Nba, wole ye wota Mari Alla-Nima Sɛnbɛ-Bɛɛ-Tigi kan mayɛlɛmana.

Yɛrɛmaya 36:23

A wa ban kan-tina-kundi min karanna, mansɛ ni nyɔ tɛgɛ muru-nɛ la ka a labui tɛ rɔ. A banta gbole wo tɛgɛla a la wo nya na le ka a bɛɛ mintan gburr!

Isikiyɛli 12:22

“Ile hadama-dan, nfenna mɔgɛnu bi sarandɛ kɛ sala ko, ‘Yanni wati kɛ ni ke, koe kɛ ye mala kɔnɔ anu kuman-kan ti bɔ anuna ko-rayirɛ rɔ’?

Isikiyɛli 12:27

“Ile hadama-dan, Isirɛla mɔgɛnu mirinɛ ko ko-rayirɛ anubɛ wɔlɔyiya-kumɛ minnu bi fɔla i ye, wonu si ma le kɔnɔ anu wati fɛ-yan fɔlɔn.

Hoseya 10:3

Wole hakɛ-tiginu si na a fɔ ko, “Mansa sa ma bolo bawo ma kilanni ma Mari la. Hali a taranta, mansɛ ye ma bolo nun, wo si nfen nyinya ma ma?”

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”