Aiseya 5:18 - ALLALA KUMƐ

¹⁸ Gbalo ye wo ma bawo wo ti ke wo nyɛrɛ purukulula hakɛ kɔrɔ.

Aiseya 5:18 ပူးပေါင်းရင်းမြစ်များ

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 36:2

A wasinɛ ha, a mirinɛ ko a ye hakɛ minnu kɛla, Alla ti wonu lɔn ka a kɔn wola ko la.

Hɛnkilimaya-Kumɛnu 4:17

Karagbɛlɛyɛ le manɛ anu de-nyini-fan la. Masiba-koe le manɛ anu min-kɛ-fan la.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 23:24

Mɔgɔ ti a dogon kan-bo-kan, Mari ti a yen kan min. I tara san ma, i si a taran nyɔ. I tora dugu ma, i si a taran yan.

Yɛrɛmaya 36:23

A wa ban kan-tina-kundi min karanna, mansɛ ni nyɔ tɛgɛ muru-nɛ la ka a labui tɛ rɔ. A banta gbole wo tɛgɛla a la wo nya na le ka a bɛɛ mintan gburr!

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”

Yɔni 16:2

Wo yogenu si wo gben anuna dina-bɔnnu na, ado wo wati si na, wo fagalɛnu si anu miri ko anu bi Allala wɔli le kɛ tinɛ.

Kɛwɔlɛnu 26:9

“Nde nyɛrɛ ya n miri ko fɔ n ni wuli Yisa Nasarɛti kɛ kan ma ka a tɔgɛ tinya-koe bɛɛ rɔ.

Kɛlɛ-Kurugbɛnu 17:13

Maika ya a fɔ a nyɛrɛ ma ko, “N bara Lifayi bɔnsɔn-mɔgɔ-bɛrɛbɛrɛ sɔrɔn min si ma n halalɛ la ka saraka-masɔ-wɔlɛ kɛ n ye. Fɔ Mari wa n wara-koe lata yarɔ.”

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.