Aiseya 5:14 - ALLALA KUMƐ

¹⁴ Anu sɔgɛ ye lakira la kaka! A ye a dɛ sala-a-ma fagba, alako a ni anu nakunu. A ye Yerusalɛm mɔgɔ-banu makununa anubɛ a mɔgɛ toe sɔnkɔtoenu.

Aiseya 5:14 ပူးပေါင်းရင်းမြစ်များ

Yaburi 49:14

Anu bi fagala le iko sagɛ. Lakira si anu makandan. Lakira min fɛ-yan anu barɛ la, anu si tuli nyɔ rɔ tiriya! Kɔnɔ mɔgɔ-telennɛ minnu bi nala yarɔ, wonu si na fanka sɔrɔn anu kuma.

Yaburi 55:15

Alamɛ n yogenu tɛgɛra a ma, yanni anuta wati ni ke. Alamɛ anu kuran tara lakira bawo anu kan-nabila-bɔrɛ le ko-yogoma-kɛ la.

Hɛnkilimaya-Kumɛnu 27:20

Ni kanbɛ si wasa, mani hadama-dan si wasa.

Hɛnkilimaya-Kumɛnu 30:16

A fɔlɔtɛ le kanbɛ la. A fila nyɔgɛ le gbandɛ la. A sawa nyɔgɛ le dugu-gbalanɛ la. Wo ti wasa yi-koe rɔ. A nani nyɔgɛ le tɛ la. Wo fanan ti wasa habadan!

Aiseya 14:11

Fɔlɔ nun, anu bi ale Babilɔn mansɛ gbiliyala bɔlon-kan la kɔnɔ a ye lakira le gbɛ! A sa-fan manɛ tunbinu denu na. Ala burun-kurɛ ye tɔnɔkɛnu denu na.

Aiseya 14:9

“Lakira ara fɔlɔla a bole sala Babilɔn mansɛ kɛ bolo tɔ. Mɔgɛ minnu sɛnbɛ kolo duninya rɔ nun, wonu yiyɛ ye ale mansɛ labɛnna. A mansɛnu yiyɛ si sɔ anuna mansaya-waganɛ rɔ.

Aiseya 21:4

N bi yɛrɛyɛrɛnna yisi-tinyɛ bolo. N hɛnkili latɛgɛnɛ wura-makɔnɛ ma kɔnɔ yaga, wo ye a labanna n bolo kumakɔɛ le la.

Aiseya 24:8

Tɔn si sigi anuna bɔlon-fɔɛ anubɛ kɔbɔn-fɔɛ la.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Habakuku 2:5

Wola nɔnfuli siyamɛ si wo baya. Minnu kɔrɔndi, wonu wasinɛ, ado anu yisi ti sa. Anu mani de iko sayɛ bawo wo ti wasa. Woletɔ anu bi tala buila sibole doinu ma ka anuna nyamanɛnu sa anutɛ kuma.

Matiyu 7:13

“Wo ni don da-dɔgɔmanɛ la bawo kilɛ min bi tala nyahanama rɔ, wo don-dɛ kolo. A tagama-ko ma gbɛlɛ, ado mɔgɔ siyaman bi tala wo le fɛ.

Luka 17:27

Bɛɛ tora fen-dɔn-kɛla ka anu min, keinu ya musinu furu, musinu tara kei-wara-sigi rɔ. Anu tora wo bɛɛ mala ha Nowa donta kulɔn rɔ lunyɛ min. Nba, yi nara ka anu damasi kasara.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.