Aiseya 5:13 - ALLALA KUMƐ

¹³ woletɔ fɔ wo yogenu ba wo bira ka ta wo la. Wola kun-tiginu si faga kɔnkɛ bolo. A mɔgɛ toenu si faga kan-nagbalɛ bolo.

Aiseya 5:13 ပူးပေါင်းရင်းမြစ်များ

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

Hɛnkilimaya-Kumɛnu 10:21

Mɔgɔ-nyimɛta kumɛnu si tɔnɛ di mɔgɛnu ma kɔnɔ kun-takolɔnnu-tɔgɔ si to anuna kuntanyɛ la.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 1:7

Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 23:9

Mari Sɛnbɛ-Bɛɛ-Tigi le ya a rabɛn. A ya ko-rabɛn-kɛ alako ka tɔn sigi ila wasinteyɛ la anubɛ ka ila mɔgɔ-banu namiliya.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 3:1

Hadama-dan minnu bi Yerusalɛm soe anubɛ Yuda nyamanɛ rɔ, wonu tonɛ fan min bɛɛ ma anubɛ anu tonɛ mɔgɛ min bɛɛ ma, Mari Sɛnbɛ-Bɛɛ-Tigi si na wo bɛɛ bi anu bolo. A si anu beli-fan anubɛ anuna yi bi anu bolo.

Aiseya 3:3

a mara kɛlɛ-kurugba la wo, a mara a mɔgɔ-ba-sɛbɛni na wo, a mara kun-tigi-nyinina la wo, a mara duru la wo, a si wo bɛɛ bi wo bolo.

Aiseya 44:19

Kun-takolɔn wo min ya bɛsɛ ladan, wo ti a fɔ ko, “N bara n gbala do la ka biredi mintan do la ka soge mintan do la. N ya a kɔlɔma-toe ma kisimiriya-fan la. N bi n nyɛnkinna kɔlɔma le dɔrɔn ye.”

Aiseya 49:21

Nba ile Yerusalɛm, i si a fɔ i nyɛrɛ ma ko, “Yon ya den-siyamɛ kɛ bɛɛ sɔrɔn n ye?” I si a fɔ ko i wara foo ila dan bɛɛ la ko i ti den-gbɛrɛ sɔrɔn tun. I ko anu bara i gben ka i to biralɛ rɔ kɔnɔ yon ya dan kɛ damasi labɔ a rɔ i ye? I si a fɔ tun ko i bolokanɛ tora min kɛ, dan kɛ bɛɛ bɔra mintɔ gbɛ?

Aiseya 65:13

Woletɔ Mari Alla ya a fɔ ko Ata wɔli-kɛlɛnu si to anu buyi lafala kɔnɔ kɔnkɛ si to wole karagbɛlɛnu forongbanna. Ata wɔli-kɛlɛnu si to yi minna kɔnɔ wole karagbɛlɛnu sɔn ma si to gbalala yi-ko-sɔgɛ bolo. Ata wɔli-kɛlɛnu si to sewala tolon! Kɔnɔ miliyɛ ti bɔ karagbɛlɛnu kuma.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 14:3

Mɔgɔ-banu ba anu kɔrɔ-wɔli-kɛlɛnu nata yi-bi-tinɛ, wonu ti yi-wo-yi taran yi-denkɛ rɔ. Anu ba sɛgi anuna yi-bi-fan wonu takolɔn la, anu si anu yakɔrɛ dogon miliyɛ bolo dɔgɔma-ma-de! Anu si anu kunyɛ layigi yarabiyi bolo.

Yɛrɛmaya 8:7

Hali konanu, wonu ya anu nyɛrɛta ko-ladan-wati lɔn. Hali kulangbɛ anubɛ serekokonu ya anu tunu-wati lɔn. Kɔnɔ Mari ko a ye nyinina min ma wole, ata mɔgɛnu bolo, wo ma wo lɔn.

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Emɔsi 8:13

Hali wola fonike minnu tagbɛlɛ, wonu si belenna buila kan-nagbalɛ bolo.

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

2 Pita 3:5

Anu si a lawuli a ma ka nyina ko kelan kɛ ko, wo le, kebi fɔlɔ, Alla kumara, san-kole anubɛ dugu-kole danta. Dugu kole danta ka bɔ yi rɔ, ado a lafoonɛ yi le la.