Aiseya 5:12 - ALLALA KUMƐ

¹² Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Aiseya 5:12 ပူးပေါင်းရင်းမြစ်များ

Ko-Dabirɛnu 31:27

Nfen ya a to, i wara n yanfa ka i dogon n ma? Ni i ya n nalɔn nun, n si i masara ka i bila-sila tolonnɛnu na. A sigi-sala wo, a tanba-fɔla wo, a sɔrɔn-fɔla wo, n si wo damasi bila wo fɛ nun.

2 Samuwɛli 19:35

N bara san bi-segin bɔ, ado fenfen sa nyɔ min si a diya don n tɔ. Fenfen ma di n da rɔ. Hali anu bi sigi sala, n ti a lamɔɛn. Ni nde tara nyɔ rɔ, wo si ma dunu-belebele la ile mansɛ kuma.

Yobu 34:27

bawo anu bara anu kan-kɔ sɔ a la ka anu ban ata tɔn-bira-koe ma.

Yaburi 28:5

Anu ma anu miri ile Marita wɔli-nyimɛ ma, ni wo ma, ka anu miri ita ko-ladannɛ ma. Wola ko la, i si anu tɔrɔ ka anu kasara pɔɔ! Anu ti sɔ a kurɛ la tun!

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 24:8

Tɔn si sigi anuna bɔlon-fɔɛ anubɛ kɔbɔn-fɔɛ la.

Aiseya 29:1

Ile Yerusalɛm so-nyɛrɛ ye dankɛ kɔrɔ, Marita saraka-mintan-tinɛ ye kan min, kɔni. Mansa Dawuda ya ile so-kunbɛ ma a daga makɛ tinɛ la nun. San-dande ladiyɛ wa tenbi,

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Isikiyɛli 26:13

N si tɔn sigi anuna sigi-sɛnu anubɛ anuna sɔrɔn-fɔɛnu na.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.

1 Kɔrɛnti 14:7

Hali fɔli-fan minnu nadannɛ mɔgɛnu bolo iko fuli anubɛ bɔlɔn, wonu bi sigi min sala, mɔgɛ si sigi wo lɔn kama, ni sigi wo yabasannɛ?

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.