Aiseya 5:11 - ALLALA KUMƐ

¹¹ Gbalo ye wo ma bawo wo ye surula wo yɛ lafinna gbɛɛ la, ado wo ye kila baan minna kɔlikɔli!

Aiseya 5:11 ပူးပေါင်းရင်းမြစ်များ

2 Samuwɛli 19:35

N bara san bi-segin bɔ, ado fenfen sa nyɔ min si a diya don n tɔ. Fenfen ma di n da rɔ. Hali anu bi sigi sala, n ti a lamɔɛn. Ni nde tara nyɔ rɔ, wo si ma dunu-belebele la ile mansɛ kuma.

Hɛnkilimaya-Kumɛnu 20:1

Baan-minyɛ si mɔgɛ ma yuwɛ anubɛ sɔnkɔtoe la. Min bi a nyɛrɛ donna wo ko-sufa rɔ, hɛnkilima ma wo tigi la.

Hɛnkilimaya-Kumɛnu 23:32

Kɔnɔ ni i ya wo ma, a laban, a si i ma iko duguma-fan wa mara mɔgɛ ma.

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 24:9

Sewa-sigi-wo-sigi ti sa tun gbɛɛ min tinɛ. Gbɛɛ ti diya mɔgɔ-wo-mɔgɔ da rɔ tun.

Aiseya 28:1

Isirɛla kantɔ-nyamanɛ ye nala kasarala. Anuna gbiliyɛ ye nala fɔsɔla iko kɔn-fere minnu bi anuna mɔgɔ-ba-gbɛɛtoenu kunyɛ rɔ. Hali sɛnti-suma-diyamɛ kɛnɛ anu kunyɛ rɔ, ado anu wasinɛ, anu malɔfɔkɔrɔyanɛ sanɛ gbɛɛ bolo.

Aiseya 28:3

Mɔgɔ-ba-gbɛɛtoe wonuna wasinteyɛ si taran anu yogenu denu kin kɔrɔ.

Aiseya 5:22

Gbalo ye wole gbɛɛ-minna-wɛnu ma. Wo ye wo wasila baan-tabasanni-minyɛ la.

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Habakuku 2:15

Wole karagbɛlɛnu, wo si wota nondɔn sɔrɔn de serr! Wo ara wo dan-masa-nyɔgɛnu fɔrɔsɛ ka tɔrɔyɛ do min iko baan. Anu kun ta wa ban finna, wo si to anu nakolɔn mayɛlɛnna.

Habakuku 2:5

Wola nɔnfuli siyamɛ si wo baya. Minnu kɔrɔndi, wonu wasinɛ, ado anu yisi ti sa. Anu mani de iko sayɛ bawo wo ti wasa. Woletɔ anu bi tala buila sibole doinu ma ka anuna nyamanɛnu sa anutɛ kuma.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

1 Kɔrɛnti 6:10

kankannu wo, wasabɛlɛnu wo, baan-minnɛnu wo, nafiginu wo, minnu bi buila mɔgɛnu ma wo, wonu fenfen ti Allala mansayɛ sɔrɔn,

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

1 Samuwɛli 25:36

Abigɛli tara ala kei Nebali wara. A ya a taran, ala kei ye ladiyɛ min kun na, wo manɛ de iko mansɛtɛ. A ara a min kɔlikɔli. A sewanɛ baan bolo woletɔ Abigɛli ma kuma-wo-kuma fɔ a ye ha wo wulun sɔgɔma.