Aiseya 49:7 - ALLALA KUMƐ

⁷ Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 49:7 ပူးပေါင်းရင်းမြစ်များ

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Yaburi 47:9

Sibolo-gbɛrɛ kun-tiginu si anu kundɛn kan-tina-kelen Allata mɔgɛnu fɛ, Iburayimata Alla, kɔni. A makilanta kɛlɛ-dan bɛɛ ko. A kuman-kan ti bɔ a gbɛ rɔ hali doni!

Yaburi 68:31

Kun-tiginu si bɔ Iyipiti nyamanɛ rɔ. Sudan kɛnu si anu bole sigi Alla ye ka madiyali kɛ.

Yaburi 69:19

I wara n mɔɛn-nya yen anu bolo. Anu bi n yarabila nya min, i wara wo fanan yen. I kolan bɛnnɛ n yoge bɛɛ ma.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 19:21

Mari si a nyɛrɛ yira Iyipiti mɔgɛnu na. Wo si a ma, anu ni a bato ka sarakɛ bɔ a ye ka kɔ-fannu di ale Mari ma. Anu si lanyirinu kiri a ye ka wonu natɔnbagaya.

Aiseya 19:23

Wo wati wa na, kila-gbonkan-bɛ si sa Iyipiti anubɛ Asiriyanu tɛma. Nyamani filɛ kɛnu si to ta-ni-sɛgi kɛla anu nyɔgɔn tɛma. Nyamani filɛ kɛnu si to batoli kɛla anu nyɔgɔn fɛ.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Aiseya 48:7

A ye nala wonu mala kaka le gbɛ, ado koe wonu ma taran mala nun. Ni a taranta ko-kɔrɛnu denu denu bi nun, wo si to a fɔla ko, “Male nyɛrɛ-nyɛrɛ ya a lɔn kɔrɔma la.”

Aiseya 49:1

Wole wula-yanna-mɔgɛnu, wo ni wo tole masɔ. Yanni n ni sɔrɔn, Mari ara n yabɔ, bi ko ma. A ya n yabɔ ka n ma ata wɔli-kɛlɛ la. Kebi n bi n na burɔ, Mari ya n tɔgɛ sa.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 50:6

N bara n wasa don n fɛrɛ rɔ n gbesilɛnu ye. Min bi n da-buyɛ mawurunna, n ya n dɛ lata wonu bara la. Anu bi n mayɛlɛnna ka anu nɔgɔ-yi kɛ n ma kɔnɔ n ma n yakɔrɛ bɔ anu kɔrɔ.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Aiseya 60:10

Ile Yerusalɛm, sundannu si i tarɛ sɔ-kurɛ-kɛ tun. Anuna mansɛnu si to wɔlila i kɔrɔ. Mari ko a fonde bɔnɛ wati min, a ya i tɔrɔ kɔnɔ kaka, a si kinikini i ma ka ko-nyimɛ kɛ i ye.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 66:23

Bɛɛ si na Mari bato tinɛ. Anu si to nala a batola Karɛ-Kurɛ-Ladɛn kuma anubɛ Sulen-Tele bɛɛ ma.

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Matiyu 26:67

Nba, anu ya anu nɔgɔ-yi kɛ a yakɔrɛ ma ka a gbesi. Donu ya a dɛ ratii.

Luka 22:27

Min siginɛ a ye fen-dɔn la anubɛ min bi wɔli-kɛla-fen dɔnnɛ wo ye, anu filɛ tɛma, mɔgɔ-ba ye yon na? Min siginɛ, mɔgɔ-ba ye wo le la. Kɔnɔ nde ye wo tɛma iko wɔli-kɛlɛ.

Luka 23:18

Kɔnɔ bɛɛ sɔnkɔra a ma. Anu ko, “Ale faga! I ni Barabasi boloka ma ye!” (

Luka 23:23

Kɔnɔ anu tora wɔyɔ layɛlɛla ko, “Yisa ni gbangban kɔlɔma ma.” Tɔ-a-la, anuna kumɛ ya sɛnbɛ sɔrɔn.

Luka 23:35

Mɔgɛnu sɔra a mafɛlɛn tinɛ. Yahudiyanuna kun-tiginu bi a mayɛlɛnna, anu ko, “A ya donu kisi kɔnɔ ni Allata-Mɔgɔ-Yabɔnɛ le ale la, alamɛ a ya a nyɛrɛ kisi!”

Yɔni 18:40

Anu gbele-gbelenta ka a yabi ko, “Ade, i kana ale boloka! I ni Barabasi boloka!” (Nba, Barabasi, bui-ma-kɛlɛ le nun.)

Yɔni 19:15

Anu ya a lasɔnkɔ tun ko, “A faga! A gbangban ka a faga kɔlɔma ma!” Pailɛti ya anu manyinika ko, “Wo ye a fɛ, n ni wola mansɛ gbangban kɔlɔma ma, wa?” Saraka-masɔla-wɛnu ya a yabi ko, “Mansa-gbɛrɛ sa ma bolo fɔ min bi Romu nyamanɛ kun na!”

Yɔni 19:6

Saraka-masɔla-wɛnu anubɛ Alla-Bato-Bon kandannɛnu ya a yen tumɛ min, anu ya a lasɔnkɔ ko, “A gbangban kɔlɔma ma! A gbangban kɔlɔma ma!” Pailɛti ya a fɔ anu ye ko, “Wole nyɛrɛ ni a bi ka ta a gbangban kɔlɔma ma. Nde ma a yiliki-nya yen hali!”

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

1 Pita 2:4

Wo na Mari ma, Allata kuru-nimɛ, kɔni, mɔgɛnu ya anu ban min na nun. Anu ma a lɔn fenfen na kɔnɔ a yabɔnɛ Alla bolo bawo a gbiliyanɛ Alla ya la.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.