Aiseya 49:6 - ALLALA KUMƐ

⁶ Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 49:6 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Mansɛnu 20:10

Mansa Hɛsakaya ya a fɔ Nɛbi Aiseya ye ko, “Ninɛ mata-koe yarɔ, wo ma gbɛlɛ. A ma le, a la ni sɛgi kɔma.”

2 Mansɛnu 3:18

Wo kɔma, Nɛbi Ilaisa ya a fɔ anu ye ko, “A dɔgɔmɛ le kɛ la Mari yala. Min sanɛ wo kuma, wo ni la a la serr, ko a si Mohabu mɔgɛnu don wo bolo.

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 67:3

E, Alla, mɔgɛ bɛɛ ni i tanto. Bɛɛ ni i gbiliya.

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Aiseya 56:8

Ma Tigi Mari min ya wole Isirɛla mɔgɛnu kunyɛ bɔ birɛ rɔ, wo ko a si ala mɔgɔ-kundɛnnɛnu makofu tun.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 62:11

Mari ye a fɔla duninya mumɛ bɛɛ ye ko a ye nala Yerusalɛm kɛnu nakisila, ado a ara minnu kunyɛ bɔ biralɛ rɔ, a ye nala wonu na tun.

Yɛrɛmaya 12:16

A ko a sɔgɛ le ye a la nun ko anu ni wole, ata mɔgɛnu kɛ-nya karan. A ko fɔlɔ nun, anu ya wole, ata mɔgɛnu nabila lanyiri-kiri-bole la bɛsi Beyali ye. Kɔnɔ kaka, a sɔgɛ ye a la, anu ni ale Mari tɔgɛ ratɛgɛ lanyiri-kiri-tinɛ. A ye a fɛ anu ni a fɔ ko, “A ye mabɛ Mari tɛma… A ko ni anu ya wo ma, anu bara-koe ti sɛgi kɔma. A ko a si a ma, anu ni taran wole, ata Isirɛla mɔgɛnu kurun tɔ.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Sakaraya 6:13

A ko wo le ye Bato-Bɔn sɔla, ado bolɔn wo fanan si gbiliyɛ sɔrɔn iko mansɛ ye a sɔrɔnna nya min ka mansayɛ kɛ ala mɔgɛnu kun na. Ale mansɛ si ma saraka-masɔlɛ la ka sigi mansaya-waganɛ rɔ. Yisi-kimɛ si taran sɔ-tina filɛ kɛnu tɔ.

Sakaraya 8:22

Mari ko fanka ye sibolo-gbɛrɛ minnu na, wo siyaman si na a bato tinɛ Yerusalɛm soe burɔ ka a manyinika ata duwɛ wara-koe la.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Kɛwɔlɛnu 13:47

ado Mari ya min fɔ ma ye, wo le kɛ la. A ko, ‘N bara wo yabɔ alako wo ni ma waan la sibolo-gbɛrɛnu ye, ado duninya-mɔgɛ bɛɛ si nta kisi-koe lamɔɛn wole sebu la.’ ”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Kɛwɔlɛnu 26:23

Anu ko a fɛrɛ sa, fɔ ale Allata-Mɔgɔ-Yabɔnɛ ni tɔrɔ. Wo kɔma, a ni ma a mɔgɔ fɔlɔtɛ la min si wuli ka bɔ furinu tɛma. Anu ko a ni na waan la Yahudiyanu anubɛ sibolo-gbɛrɛnu ye.”