Aiseya 49:23 - ALLALA KUMƐ

²³ A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 49:23 ပူးပေါင်းရင်းမြစ်များ

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 43:26

Yusufu nara anu bara bɔn la tumɛ min, anu ya anu madu a kɔrɔ dugi ma ka a sanbɛ wonu don a bolo.

Yaburi 138:4

E, Mari, duninya-mansɛ mumɛ bɛɛ si i matɔgɔ bawo i wara yili-madiya-kumɛ minnu fɔ, anu bara wonu namɔɛn.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 34:22

Mari si ata mɔgɛnu kisi. Minnu bi tala a wara alako Mari ni anu natanka, Mari ti wo tigi tɔrɔ.

Yaburi 68:31

Kun-tiginu si bɔ Iyipiti nyamanɛ rɔ. Sudan kɛnu si anu bole sigi Alla ye ka madiyali kɛ.

Yaburi 69:6

I yandi, a ma, n kana yarabiyi lana ila mɔgɛnu ma. Anu lanɛ n tigi Mari Sɛnbɛ-Bɛɛ-Tigi Alla kelen pe le la. I yandi, a ma, n kana i batolɛnu namiliya. Isirɛlata Alla le ile la.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 29:22

Isirɛlata Mari Alla min ya Iburayima kunyɛ bɔ nanparan rɔ, wo le wara kɛ fɔ Isirɛla mɔgɛnu ye ko, “Wole Yakoba kebilɛnu, wo ti to yarabiyi kɔrɔ tun. Wo kunyɛ si bɔ miliyɛ rɔ.”

Aiseya 41:20

Mɔgɛnu ba wo yen, anu si a fɔ ko fɔ Mari le wara kɛ ma. Anu si na a lɔn wo rɔ ko Isirɛlata Mari-sɛnimɛ le wara kɛ ma ka.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 50:7

N mamɔɛn-bɔrɔ ma taran n ye bawo ma Tigi Mari ye n dɛnbɛna. N bara a latɛgɛ n yisi rɔ ko wo ti n miliya tun.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Aiseya 52:6

Kɛ bɛɛ ara ma alako wole, ata mɔgɛnu ni a lɔn ko ale le Alla la. Anu si na a lɔn fanan ko ale Mari le wara ban kɛ fɔla wo ye.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 62:2

Ile Yerusalɛm, sibolenu si ita nyimayɛ yen. Mansɛ bɛɛ si ita gbiliyɛ yen. Wo wati rɔ, i si tɔgɔ-kurɛ sɔrɔn. Mari nyɛrɛ le ye i tɔgɔ-kurɛ wo sala.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Isikiyɛli 37:6

N si anu fasɛ anubɛ anu soge sa anu kole wonu ma tun. N si anu gbole fanan sa anu ma. N si niyi bila anu tɔ tun ka anu ma kɛndɛwagɛnu na. Wo kɔma, anu si a lɔn ko Mari le nde la.”

Yowɛli 2:27

A ko wo le si a yira wo la ko wole, Isirɛla mɔgɛnu ni a lɔn ko ale Mari ye wo tɛma. A ko wo si a lɔn ko ale Mari le wota Alla la. Ale le kelan ye nyɔ Allayɛ la, ado a ko a ti sɔn, mɔgɔ-wo-mɔgɔ ni anu yɛ layigi wole, ala mɔgɛnuna sole rɔ tun.

Maika 7:17

Anu si anu yakɔrɛ sa gbangban rɔ iko duguma-fan si a ma nya min. Duninya si a lɔn worɔ ko sɛnbɛ sa anu na tun! Anu si kanan kan-tinɛ minnu tɔ, anu yɛrɛyɛrɛnmatoe si bɔ nyɔnu tɔ kilan bolo. Anu si dɛgɛ min mata Mari Alla ye.

Yilan-Yilan Koe 11:12

Nde le ya mɔgɛ kɛnu sɔrɔn, ba? Nde le ye anu banbanna ka ta ha lanyiri-nyamanɛ rɔ, wa?

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Romu 10:11

ado a sɛbɛnɛ Allala kitabu rɔ ko, “Min ba dɛnkɛninya a ma, wo tigi ti baya,”

Romu 5:5

ado yigi kɛ ti ma baya mumɛ! A ti ma baya bawo Alla ara ala keninteyɛ kɛ ma yisi rɔ. A ya ata Ni-Sɛnimɛ min di ma ma, wo le ye ma yisi lafala keninteyɛ la.

Romu 9:33

Iko a sɛbɛnɛ Allala kitabu rɔ nya min, a ko, “Wo ni wo yɛ lana. N bara kuri sa Yerusalɛm soe burɔ. Mɔgɛnu si anu kian latugu kuri wo la min si anu nabui fugbu! Kɔnɔ min bɛɛ lanɛ kuri kɛ la, wonu yigi ti tɛgɛ muk!”

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.