Aiseya 49:21 - ALLALA KUMƐ

²¹ Nba ile Yerusalɛm, i si a fɔ i nyɛrɛ ma ko, “Yon ya den-siyamɛ kɛ bɛɛ sɔrɔn n ye?” I si a fɔ ko i wara foo ila dan bɛɛ la ko i ti den-gbɛrɛ sɔrɔn tun. I ko anu bara i gben ka i to biralɛ rɔ kɔnɔ yon ya dan kɛ damasi labɔ a rɔ i ye? I si a fɔ tun ko i bolokanɛ tora min kɛ, dan kɛ bɛɛ bɔra mintɔ gbɛ?

Aiseya 49:21 ပူးပေါင်းရင်းမြစ်များ

Aiseya 1:8

Yerusalɛm kelen pe ara to sɔni iko soe min bi kurɔn rɔ a yogenu bolo. A latankabɛlɛ iko bɛndɛ min sɔnɛ sɛnɛ tɛma.

Aiseya 27:10

Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Aiseya 29:23

A wa ban dan latasakarala wo ma tumɛ min, a ko wo si a lɔn wo le ma ko ale le Isirɛlata Mari Alla-sɛnimɛ la. A ko wo si a gbiliya ka kawa a ma.

Aiseya 3:26

Kiti-fɔ-tinɛnu si ma di-kɛ-tinɛnu na. Yerusalɛm soe rakolonyanɛ si to iko anu bara digin musi min ma.

Aiseya 5:13

woletɔ fɔ wo yogenu ba wo bira ka ta wo la. Wola kun-tiginu si faga kɔnkɛ bolo. A mɔgɛ toenu si faga kan-nagbalɛ bolo.

Aiseya 52:2

I lasɔ gbangban rɔ ka i nyɛrɛ magbɔngbɔn. Ile so-birani-kɔrɛ, i lawuli. I mayigi ila mansaya-waganɛ rɔ. I kirinɛ yɔlɔkɛ min na nun, i ni wonu tatɛgɛ i ma.

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Aiseya 60:8

Mɔgɛnu tɔkɔkɛ si na i magbenna iko banda-finyɛ. Anu ferelen-ferelan si na i magbenna iko purulan min bi tala a nyagan magbenna.

Aiseya 62:4

Mɔgɛnu ti wo kele tun ko, “Allata Mɔgɔ-Bolokanɛnu.” Mɔgɛnu ti wola nyamanɛ kele tun ko, “Allata Nyamani-Halakini-Kɔrɛ.” Anu si wo kele ko, “Alla Diyana-Mɔgɛnu.” Wola nyamanɛ si kele ko, “Allata Kɔɛn-Kurɛ.” Wo dama ye mala le bawo wo di Mari ye. Wola nyamanɛ si taran a bolo iko musi ye taranna ala kei bolo nya min.

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Romu 11:24

Wole sibolo-gbɛrɛnu mani de iko firarɔ-kɔn-bolɔn min kerinɛ a la ka tugun a kɔn-bɛrɛ la, kelen ma wobɛ min na, kɔni. Yahudiyanu mani de iko kɔn-bɛrɛ kɛ. A ti gbɛlɛya Alla bolo worɔ ka bolon-kerinɛ kɛnu tugun kɔn-kuru-kɔrɛ wo la tun.

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.