Aiseya 49:2 - ALLALA KUMƐ

² A ya nna kumɛnu dɛ lasa iko faan. A ya n yamasansan a kɔɛn la. A ya n ma iko kalabɛn-nasulennɛ. A ya n namara iko kalabɛn tenbi a sa-bɔrɛ rɔ.

Aiseya 49:2 ပူးပေါင်းရင်းမြစ်များ

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Bɔ-Koe-Iyipiti 33:22

Yanni nna gbiliyɛ ni tenbi i la, n si i layigi fara-woe rɔ. N si n bole burun i kuma ha n ni ban tenbila.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

Yɛrɛmaya 1:18

N si i ma iko so-latankanɛ, ni wo ma, nɛgɛ-sɛnbɛrɛn-kɔn, ni wo ma, sila-tarɛ. Mɔgɛ bɛɛ si i ragbɛrɛn Yuda nyamanɛ rɔ, a mansa wo, a kun-tigi wo, a saraka-masɔla wo, anubɛ a mɔgɛ toenu.

Hoseya 6:5

Wo le ya a ma, n ya nɛbinu kilaya wo ma alako wonu ni kiti tɛgɛ anubɛ kasarɛ wara-koe fɔ wo ye. N bi nyinina min ma wo bolo, wo gbɛnɛ feufeu!

Habakuku 3:11

Ila banda-nyin-masɔgɛ-mɛnsan tenbi tiila a ma, ado anu bi malan-malanna, wo kɔma, tele anubɛ karɛ tora sɔni anu gbɛ rɔ.

Luka 23:46

Yisa ya a kan labɔ bɛrɛkɛ! A ko, “N Fa! N bara n niyi latenbi i ma!” A ban kɛ fɔla, a ya a niyi-laban lafɛ.

Ɛfɛsa 6:17

Wo ni kisi-koe ma wola kɛlɛ-fulɛ la. Allata Ni-Sɛnimɛ ye ata kumɛ min dila wo ma, wo ni ma wola faan la.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.

Lankɛnimayɛ 19:15

Faan-da-diyamɛ ye bɔla a da rɔ a si sibolenu nɔ min na. A si mansayɛ kɛ anu kun na ka anu mara nɛgɛ-gbelekɛ la. A si nɔnbɔ-gbɔɛ radɔn a kian la ka a yi labɔ iko baan, ado Alla Sɛnbɛ Bɛɛ Tigita diminya-belebele-wɛ si anu sugun kan min a radɔn tinɛ wo la.

Lankɛnimayɛ 2:12

“I ni kɛdi sɛbɛ ka a lata Pɛragama-chɔchi-melika ma. “ ‘Wole Pɛragama-chɔchi-mɔgɛnu, faan-da-filɛ min dɛ ye a la bɛrɛkɛ, wo le ye n bolo, ado nde le ye kɛ fɔla wo ye.

Lankɛnimayɛ 2:16

Nba, wo ni wo kɛ-nya yɛlɛma! Ni wo ma, faan-da-filɛ min bi bɔla n da rɔ, n si na yona ka mɔgɛ wonu kɛlɛ wo la.