Aiseya 49:16 - ALLALA KUMƐ

¹⁶ Mari ko a ti nyina male Yerusalɛm kɛnu ko hali! A ara ma tɔgɛ sɛbɛ a kɔɛn burɔ gbarr!

Aiseya 49:16 ပူးပေါင်းရင်းမြစ်များ

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 54:12

A si ila kan-tina-layan-bɛnu sɔ kuru-da-gbɛlɛnu na minnu wulennɛ pui! A ko a si i don-dɛnu nadan kuru-da-gbɛlɛnu na minnu silɛ ye tiila a ma iko tɛ. A si ila tarɛ sɔ kuru-da-gbɛlɛ-su bɛɛ la.

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Aiseya 62:7

Wonu kana sɔn, Mari ni a niyi madɛn doni bɛrɛn ha a ni ban Yerusalɛm sɔ-kurɛ kɛla, ado a si a ma, duninya mumɛ bɛɛ si to soe wo matɔgɔla.

Yɛrɛmaya 17:1

Mari ko wole, Yuda mɔgɛnu, wo ara hakɛ minnu kɛ, wonu gbɛni de mɔgɛnu ye. A mani de iko mɔgɛ wa fen sɛbɛ nɛgɛ la farɛ ma. Wo hakɛ mani de iko anu sɛbɛra saraka-mintan-tinɛ bolon nanɛ ma.

Yɛrɛmaya 22:24

Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Hegayi 2:23

Wo tele wa ke tumɛ min, nta wɔli-kɛlɛ Sarababulu si ma nta mansa-yabɔnɛ la. Ale le si ma wo kun-tigi la nde, Mari ya ale min yabɔ.” Wo kɔma, Nɛbi Hegayi ya Mari kuman-kan wo latenbi Isirɛla mɔgɛnu ma.