Aiseya 48:5 - ALLALA KUMƐ

⁵ Woletɔ a ko koe min bi nala mala wo la yarɔ, a ya wonu fɔ. A ye koe fɔla le, a ni na to bɔla-a-la. A ya wo ma le alako wo kana na a fɔ ko wola bɛsi-lɛsɛnɛnu anubɛ wola bɛsi-laleenɛnu bara kɛnu ma.

Aiseya 48:5 ပူးပေါင်းရင်းမြစ်များ

Aiseya 43:19

A ye nala ko-kurɛ minnu kɛla, a ko ma ni ma yɛ bɛn wonu ma, ado a ara ban anu dabirala. Ma ni ma yɛ laka, ma si anu yen. A ko a si kila-gbonkan-bɛ sa wulɛ rɔ ka yinu natugu a rɔ nyɔ.

Aiseya 44:7

Ale ye ko sufa min mala, mɔgɛ yon si ke wo sufanu mala? Yon si ke ko-natoenu fɔla iko ale ka a dabira a fɔlɔtɛ ma ha wati-laban?

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Aiseya 48:3

Mari ya a fɔ Isirɛla mɔgɛnu ye ko, koe min bi nala mala, bi-ko-ma wo miriyɛ ye a bolo, ado a ma mɛ lefan, wonu bɔra a la tiriya!

Luka 1:70

Alla ya lanyiri kiri ala fɔlɔ-nɛbi-sɛnimɛnu baraka rɔ ko

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”