Aiseya 48:20 - ALLALA KUMƐ

²⁰ A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 48:20 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

Ɛsira 2:1

Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

Yaburi 126:1

Mari ya ma lasɛgi Yerusalɛm soe burɔ tumɛ min, a mara le iko kiyo.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 24:14

Kɔnɔ mɔgɔ-dande-nɛ min bi tola, wonu si sigi sa sewɛ bolo. Minnu bi tele-yigi wara la, wonu si Alla makawa-koe fɔ.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 48:6

A ko a ya min bɛɛ fɔ fɔlɔfɔlɔ, wo damasi ara bɔ-a-la, ado a bɛnnɛ wo ni wo sɔn wo sɔn wonu na. Minnu bi nala mala yarɔ, Mari ko a ye nala wonu fɔla wo ye, ado a ma wonu fɔ wo ye wɛ nun.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 51:14

Minnu bi biralɛ rɔ, wonu ti mɛ bolokala tun. Anu si siyi-yan sɔrɔn lafɛrɛ rɔ ka dɔn-fan sɔrɔn duk!

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 62:11

Mari ye a fɔla duninya mumɛ bɛɛ ye ko a ye nala Yerusalɛm kɛnu nakisila, ado a ara minnu kunyɛ bɔ biralɛ rɔ, a ye nala wonu na tun.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 31:11

A ko a ara Isirɛla mɔgɛnu kunka ka anu kunyɛ bɔ gbaran rɔ sibolo-fankalamɛ bolo.

Yɛrɛmaya 31:21

Wole Isirɛla mɔgɛnu, wo ni wo sɛgi-kilɛ latɛgɛ. Wo ni wola kila-da-kunyɛ nyini alako wo ni ta a labɔ wo warɛ ma. Wole Isirɛla mɔgɛnu, wo sɛgi wo warɛ. Wo sɛgi wola soenu tɔ.

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Yɛrɛmaya 50:28

(Mɔgɛnu buri-kɛ-kan ye bɔla Babilɔn ka na Yerusalɛm. Anu bi ma Mari Alla tayili-sara-nya rakaranna ka a tɛgɛ a Bato-Bɔn tinya-nya ma Babilɔn kɛnu bolo.)

Yɛrɛmaya 50:8

Mari ko, “Wole Isirɛla mɔgɛnu, wo ni wo buri bɔla Babilɔn nyamanɛ rɔ. Wo ni nyamanɛ boloka tiriya! Wole ni ma mɔgɔ fɔlɛ la ka bɔ nyɔ.

Yɛrɛmaya 51:45

Mari ko Isirɛla mɔgɛnu ni bɔ anu burila Babilɔn. Anu ni anu buri Marita fondo-bɔ-wɛ kɛ kɔrɔ.

Yɛrɛmaya 51:48

Kantɔ-mɔgɛnu ba na Babilɔn nyamanɛ tii dugi la tumɛ min, fan min bɛɛsi ye san anubɛ dugi ma, wo bɛɛ si yerelen tɛgɛ sewɛ bolo.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Sakaraya 10:8

Mari ko a si ala mɔgɛnu kele ka anu kundɛn kan-tina-kelen. A ko a si anu kunyɛ bɔ gbaran rɔ ka anu nasiyaya iko fɔlɔ.

Sakaraya 2:10

Mari ya a fɔ tun ko wole Yerusalɛm kɛnu ni sigi sa sewɛ bolo. A ko ale si na a mayigi wo tɛma.

Tɔn-Fɔɛ-Fila-Nyɔgɛ 30:4

Hali wo tara duninya-tonko-nanɛ bɛɛ rɔ, wota Mari Alla si wo kundɛn ka na wo la lanyiri-nyamanɛ rɔ.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!