Aiseya 48:11 - ALLALA KUMƐ

¹¹ Tɔ-a-la, a ko a ye koe kɛ bɛɛ kɛla a nyɛrɛ le ye. A ti sɔn a tɔgɛ la ni fɛya Ala gbiliyɛ kana ta mɔgɔ-gbɛrɛ ma. A kelen pe le si wo sɔrɔn.

Aiseya 48:11 ပူးပေါင်းရင်းမြစ်များ

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 115:1

Ka a tɛgɛ ila hinɛ anubɛ ila lanayɛ ma, gbiliyɛ bɛnta ile Mari ma, male ma de!

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Yaburi 25:7

N bara hakɛ anubɛ ko-yogomɛ minnu kɛ nun nna denniya-wati rɔ, i ni n makoto wonu na. I ni i hɛnkili to n ko bawo ila mɔgɛnu di i ye, ado a di i ye, i ni ko-nyimɛnu kɛ anu ye.

Aiseya 37:35

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 48:5

Woletɔ a ko koe min bi nala mala wo la yarɔ, a ya wonu fɔ. A ye koe fɔla le, a ni na to bɔla-a-la. A ya wo ma le alako wo kana na a fɔ ko wola bɛsi-lɛsɛnɛnu anubɛ wola bɛsi-laleenɛnu bara kɛnu ma.

Aiseya 48:9

A ko a si ala diminyɛ bira-a-rɔ fɔlɔ, alako male, ala mɔgɛnu ni to ale gbiliyala. A ko a ti wo kasara feu! A si ala diminyɛ bira-a-rɔ fɔlɔn.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Isikiyɛli 20:14

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Isikiyɛli 20:22

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Isikiyɛli 20:44

N ti anu bira iko anu kɛ-nya-yogomɛ ye nya min kɔnɔ n si anu bira hakikɛ min kɛ, wo si a ma, n tɔgɔ ni gbiliya mɔgɛnu bolo. Isirɛla mɔgɛnu si a lɔn wo le ma ko anuta Mari le nde la. Wo Tigi Mari kan le kɛ la.”

Isikiyɛli 20:9

Kɔnɔ n ya a bira n tɔ. Ni n ya wo ma nun, wo si ma nyɛrɛ-lafɛyɛ la n bolo sibolo-gbɛrɛnu yala bawo n bara ban a lagbɛla anu ye nun ko n si anu nabɔ Iyipiti.

Isikiyɛli 36:22

“Woletɔ nde, i Tigi Marita kumɛ kɛ latenbi Isirɛla mɔgɛnu ma. A fɔ anu ye ko anu tara kan-tinɛ min bɛɛ rɔ, anu ya a ma, n tɔgɛ tinyanta wo dama rɔ. Kɔnɔ n bi Isirɛla mɔgɛnu nawɔlila alako ka a yira sibolo-gbɛrɛnu na ko n sɛnima. N sa wo mala Isirɛla mɔgɛnu tɔgɔ la. N bi wo mala n tɔgɔ-sɛnimɛ lela ko la ka a yira sibolo-gbɛrɛnu na ko n sɛnima. Anu si a lɔn wo le ma ko anu Tigi Mari le nde la. Nde ara ban kɛ fɔla.

Daniyɛli 9:17

E, mata Alla, nta matarali-kan lamɔɛn. Ila Bato-Bɔn min bara tinya, i ni wo sɔ-kurɛ-kɛ tun. A sɔ a kurɛ la woletɔ mɔgɛ bɛɛ si a lɔn ko ile le Alla la.

Yɔni 5:23

Mɔgɛ bɛɛ si nde, Allala dan gbiliya iko anu bi n Fa Alla gbiliyala nya min. Minnu sa nde, Allala dan gbiliyala, n Fa Alla min ya n sɔ, wonu sa wo gbiliyala.

Romu 2:24

Ado nfan, a sɛbɛnɛ Allala kitabu rɔ ko, “Ka a tɛgɛ wole Yahudiyanu sɔn ma, sibolo-gbɛrɛnu bi Alla rasɛla.”

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.