Aiseya 48:1 - ALLALA KUMƐ

¹ Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Aiseya 48:1 ပူးပေါင်းရင်းမြစ်များ

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 35:10

Alla sɛgira a gbɛ ma tun, a ko, “I tɔgɔ ma tun Yakoba. I tɔgɛ le gbɛ Isirɛla.” Woletɔ anu ya a kele Isirɛla.

2 Mansɛnu 17:34

Anu bi anuna namu-kɔrɛ wo kun na ha bi. Anu sa Mari batola anu yisi bɛɛ la, ado Mari ya tɔn minnu di Yakoba kegeyɛnu ma, Isirɛla mɔgɛnu, kɔni, anu sa sɔnna wonu birala.

2 Mansɛnu 5:20

ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

Yaburi 63:11

Wo kɔma, mansɛ si nyagalen bawo Alla ara nɔlɛ di a ma. Minnu telennɛ Alla ye, wonu si a tanto kɔnɔ foninya-fɔlɛnu si a sigi-a-la don!

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 68:26

Anu bi a fɔla ko, “Wole ata mɔgɛ minnu bi ladɛn rɔ, wo ni tabarakala bira Alla ma. Wole Yakoba kegeyɛnu ni Mari tanto.”

Yaburi 68:27

Bɛnyamɛ bɔnsɔn fɔlɔfɔlɔn bi nala min dɔgɔ bɔnsɔn bɛɛ ko. Yuda bɔnsɔn-kun-tiginu tugunnɛ wonu na. Sɛbulɔn bɔnsɔn anubɛ Nafatali bɔnsɔn-kun-tiginu tugunnɛ kɛnu fanan na.

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Hɛnkilimaya-Kumɛnu 5:16

I kana musu-gbɛrɛkɛ latenbi i kɔma. Wobɛ musu-gbɛrɛkɛ kana diya.

Aiseya 26:13

Mata Mari Alla, ma taranta sibolo-gbɛrɛnu kɔrɔ nun kɔnɔ hali wo, ma Mari kelen pe le ile la.

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Aiseya 51:2

Wo ni wo miri wo benba Iburayima bɔnsɔn ma, anubɛ ala musi, Sira min ya wo sɔrɔn. A ye Iburayima kelela tumɛ min, den-wo-den sa a bolo nun kɔnɔ a ko a duwara a ye ka a bɔnsɔnnu nasiyaya duk! A ya a ma, a kebilɛnu siyayara.

Aiseya 58:2

Anu bi anu nyɛrɛ mala iko Alla di mɔgɛ min ye. Anu bi anu nyɛrɛ mala iko mɔgɛ minnu bi anu tole masɔla Allata tɔn-karan la a kin na! Anu bi anu nyɛrɛ mala iko komi Alla sako kɛ-sɔgɛ ye anu na. Anu bi anu nyɛrɛ mala iko anu sa Allata tɔn tinyana tele-kelen-bɛrɛni! Anu bi anu nyɛrɛ mala iko Alla-bato-sɔgɔ-bɛrɛ ye anu na. Bato-Bɔnna-tɛ di anu ye dɔgɔma-ma-de!

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Aiseya 65:16

Nba, min ya duwɛ sɔrɔn dugi ma, wo tigi ara duwɛ sɔrɔn Alla, tonya-tigi le bolo. Ni min ya a gboro dugu-kole kuma, wo tigi ara gboro Alla tonya-tigi le tɔ. Kɛnu bara ma bawo ma la ara nyina tɔrɔya-kɔrɔmɛnu na. A ko a si tɔrɔyɛ wonu masɛgi wo la.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Saraka-Masɔlɛnuta Tɔnnu 19:12

Wo kana wo gboro n tɔgɔ rɔ foninyɛ kuma bawo minnu bi wo mala, wonu si n tɔgɔ lafɛya. Nde, wota Mari Alla ya kɛ le fɔ wo ye.

Maika 2:7

‘Isirɛla mɔgɛnu dankani de?’ Anu ko, ‘Mari ti a munyu male kɔrɔ tun, wa? Ile lara a la ko a si ko-sufa kɛnu ma ma la, wa?’ Anu ko tun ko, ‘Hali mɔgɛ minnu bi ko-nyimɛ kɛla, Mari ti kuma wonu ye a kin na tun, wa?’ ”

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Sakaraya 5:3

Wo kɔma, a ya a fɔ n ye ko dankalɛ sɛbɛnɛ a rɔ min si bui nyamanɛ bɛɛ rɔ. Min sɛbɛnɛ a tɔnkɔn doi rɔ ko minnu si kankanyɛ kɛ, wo bɛɛ la si to nyamanɛ rɔ. Min sɛbɛnɛ a tɔnkɔn doi fanan tɔ ko min bɛɛsi ye foninyɛ fɔla gboroli-kɛ-tinɛ, wonu fanan na si to nyamanɛ rɔ dogbe!

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Yilan-Yilan Koe 24:7

Anu si yiri ka siyaya. Anu kegeyɛnu si taran nyamani-siyaman tɔ. Anuna mansɛ si fanka sɔrɔn ka tenbi Amalɛki Mansɛ Ekagi la. Ata mansaya-sɛnbɛ si koloya ka ke kan-tina-siyaman tɔ.

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Yɔni 4:24

Alla, niyi le. Minnu bi a batola, anu ni a bato a kila-bɛrɛbɛrɛ fɛ ala Ni-Sɛnimɛta dɛnbɛnɛ fɛ iko a ye nyinina a ma nya min.”

Romu 2:17

Wole don? Wo ye wo nyɛrɛ kelela ko Yahudiyanu. Wo ye wo yigi bɛɛ sala tɔn-kitabu wara-koe kuma ka wo nyɛrɛ matɔgɔ ko Allatɛ le wo la.

Romu 9:6

N sa a fɔla ko Allala lanyiri ma ko-nyinya n ma bawo Isirɛla kɛnu damasi ma ma Allala mɔgɔ-bɛrɛ la,

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.

Tɔn-Fɔɛ-Fila-Nyɔgɛ 5:28

“Mari ya a fɔ nde, Musa ye ko, ‘Mɔgɛ kɛnu bara min fɔ kɛ la, tonyɛ le wo la.

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

1 Timoti 4:2

Yanfantenu si foninya-karan wo nyɛnsɛn. Anu sɔndɔmɛ faganɛ iko fɛrɛ min bara mintan kɔrɔma la nɛgɛ-kalamɛ bolo. Woletɔ anu ti ko-nyimɛ anubɛ ko-yogomɛ dan-nafarɛ lɔn.

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.