Aiseya 47:7 - ALLALA KUMƐ

⁷ Ile Babilɔn miri ko i ye tola musu-mansayɛ le la tolon, ado i miri ma ke ko su kɛnu ma nun. I miri ma ke ko a si a laban i bolo ka.

Aiseya 47:7 ပူးပေါင်းရင်းမြစ်များ

Bɔ-Koe-Iyipiti 7:23

Wo bɔrɔ ma taran ale mansɛ ye. A ya a kan-kɔ sɔ ka sɛgi ala bɔn la.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Aiseya 47:5

Mari ko, “Ile Babilɔn, i radenɛ ni to pinpi rɔ. Nyamanɛnu ti i kele tun ko musu-mansɛ.”

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Aiseya 57:11

Mari ko wo ye kilanna bɛsɛ nyamintan na min bi a mala, wo ye foninyɛ fɔla a ye? A ko wo ma wo miri a ma doni bɛrɛn fɔ wo ya wo kan-kɔ-sɔɛ min kɛ a la. A ko a madenɛ ara mɛ min kɛ, woletɔ wo sa kilanna a la tun, ba?

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Nimisa Koe 1:9

Ala sɛninyabɛlitayɛ wo mani de iko musi min wulita ala kurɛ ratinyana kɔnɔ a ma a miri nun ko a si a laban wo nya na. A labui-koe ya mɔgɛnu tɛrɛna. Mɔgɔ-den-kelen sa nyɔ min si a madiya. A ye dila ko, “E, Mari, i wara n nɔ-nya yen n yogenu bolo, wa? N dɛnbɛ.”

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Isikiyɛli 7:2

“Ile hadama-dan, nde, wo Tigi Mari Alla ye nala min fɔla Isirɛla mɔgɛnu ye, wo le kɛ la. Isirɛla nyamanɛ mumɛ lato-wati ara ke.

Daniyɛli 4:29

San kelen tenbinɛ nna kiyo wo kɔma, wo ya a taran, nde, mansɛ ye tagamana nna san-bɔn kuma.

Daniyɛli 4:4

“Nde, Nɛbukanasa siginɛ nna bɔn la tumɛ min, n bi n nyɛrɛ ladiyala nna mansayɛ rɔ.

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’