Aiseya 47:5 - ALLALA KUMƐ

⁵ Mari ko, “Ile Babilɔn, i radenɛ ni to pinpi rɔ. Nyamanɛnu ti i kele tun ko musu-mansɛ.”

Aiseya 47:5 ပူးပေါင်းရင်းမြစ်များ

Yaburi 31:17

Mari, n bi i rakelela. A ma, n kana na yarabi. Alamɛ karagbɛlɛnu yarabira. Alamɛ anu tara kaburu-madɛnni-dondon-bɛ rɔ.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Aiseya 14:23

A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Aiseya 21:9

A ma mɛ lefan, a ya so-laburilɛ wonu yen nala fila-filanyɛ ma. So-laburilɛ ya a kan lake ko, “E, Babilɔn ara bui! Anu bi bɛsɛ minnu kɔla, wonu takerikerinɛ belenna Babilɔn soe burɔ.”

Aiseya 23:2

Wole Saidon yilanu! Wo ni wo made diyi-kɛ la. Wola kulun-naburilɛnu bara wo ma nɔnfulu-tiginu na.

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 47:7

Ile Babilɔn miri ko i ye tola musu-mansayɛ le la tolon, ado i miri ma ke ko su kɛnu ma nun. I miri ma ke ko a si a laban i bolo ka.

Yɛrɛmaya 25:10

Mari ko a si tɔn sigi wola sewa-tolɔn la. A si yili kiri wola kɔnyɔ-masɔ-tolɔn la. A si tɔn sigi wola kolon-tugu-kan la. Ta-yi wo ta-yi ti taran nyamanɛ rɔ.

Yɛrɛmaya 8:14

Wole Yuda mɔgɛnu ko, “Nfenna ma siginɛ yan? Ma ni ma kundɛn wona. Tarɛ mininɛ soe minnu ma, ma ni ta faga nyɔ. Mata Mari Alla ara ma halaki-koe fɔ de! A ara ma dawari-yi-lafɛ rɔ bawo ma ara hakɛ kɛ ka bila a la.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Nimisa Koe 2:10

Yerusalɛm mɔgɔ-banu-makinikininɛ sigini dugi ma. Gbangban kɛnɛ anu kunyɛ rɔ. Kasa-kurɛ bilanɛ anu kan na alako ka a yira ko anu bi saya-di-kɛ tinɛ. Hali sunkurun-mɛsɛnu, wonu sanɛ dugi ma yisi-tinya bolo.

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Yude 1:13

Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!

Lankɛnimayɛ 17:18

“I ya musi min yen wo la, so-belebele le wo la min bi duninya-mansɛnu kun na.”

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

1 Samuwɛli 2:9

“Ale le si ata mɔgɔ-latelennɛnu niyi latanka kɔnɔ karagbɛlɛnu na si to pinpi rɔ dogbe, bawo mɔgɔ nyɛrɛta sɛnbɛ dɔrɔn ti a ma, a ni ta yarɔ.