Aiseya 47:11 - ALLALA KUMƐ

¹¹ Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Aiseya 47:11 ပူးပေါင်းရင်းမြစ်များ

Nihɛmaya 4:11

Ma yogenu miri ko ma ti anu yen. Anu miri ko anu bi ma latɛrɛnala le ka ma faga alako tɔn ni sigi mala wɔlɛ kɛ la.

Yaburi 35:8

Kɔnɔ yaga, anu bi nala kasarala latɛrɛnɛ bolo. Anu si bira anu nyɛrɛta yili-lasiginɛ wo la. Anu si bui anu nyɛrɛta denka-sinnɛ wo rɔ.

Yaburi 50:22

“Wole min bi wo banna n na, wo ni wo tole masɔ. Ni wo ma, n si wo halaki, ado wola kisila ti taran.

Yaburi 55:15

Alamɛ n yogenu tɛgɛra a ma, yanni anuta wati ni ke. Alamɛ anu kuran tara lakira bawo anu kan-nabila-bɔrɛ le ko-yogoma-kɛ la.

Yaburi 73:19

Anu si halaki tiriya! Anu na si to kumakɔɛ bolo.

Hɛnkilimaya-Kumɛnu 13:21

Kasarɛ si bila ko-yogoma-kɛlɛnu fɛ kɔnɔ mɔgɔ-latelennɛ si hɛrɛ sɔrɔn.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 30:13

A ko a ara wo yiliki. A ko wo manɛ iko dandan min tafaranɛ. A ti mɛ lefan, wo ara bui.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 48:8

A ko ale nyɛrɛ ya a lɔn ko a ti ke lala wole la. A ko wo dama manɛ mɔgɔ-murutiyanɛnu na a yala. Wo le ya a to, wo ma ko-kurɛ kɛnu namɔɛn nun.

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Yɛrɛmaya 51:43

Nyɔ-soenu ma si kilan. Nyɔ bɛɛ si ma wula-da-rakolɔn la, mɔgɔ ti sigi kan min. Mɔgɔ ti bɔ nyɔ kilɛ la.

Yɛrɛmaya 51:8

Tiriyante wo rɔ, Babilɔn soe si na bui ka tinya pɔ! Bɛɛ ni di ka a tɛgɛ bui-koe wo ma. Anu ni a tɛlɛnu makiri. Tumado a si kɛndɛya.

Nimisa Koe 1:21

“E, Mari, i wɔlɔ matɔlɔ n kurun kan la. Mɔgɔ sa min si n madiya alako n ni fara di-kɛ la. N yoge bɛɛ ara sewa ka a tɛgɛ nna kasarɛla ko ma. I ya n yili-madiya tele min tɔ, wo tele ni na alako n yogenu ni tɔrɔ iko nde tɔrɔyanɛ nya min.

Isikiyɛli 7:26

Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Matiyu 18:34

Mansɛ diminyara kati! A ya wɔli-kɛlɛ wo sa yele la ka a tɔrɔ ala yili bɛɛla ko la.”

Luka 12:59

N bi tonyɛ fɔla i ye, i ti bɔ nyɔ ni! Fɔ i ni yili wo bɛɛ sara feu!”

Luka 17:27

Bɛɛ tora fen-dɔn-kɛla ka anu min, keinu ya musinu furu, musinu tara kei-wara-sigi rɔ. Anu tora wo bɛɛ mala ha Nowa donta kulɔn rɔ lunyɛ min. Nba, yi nara ka anu damasi kasara.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.