Aiseya 47:1 - ALLALA KUMƐ

¹ Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 47:1 ပူးပေါင်းရင်းမြစ်များ

Yobu 2:13

Su wɔrɔnfila, tele wɔrɔnfila, anu siginɛ Yobu fɛ dugu ma nyɔ. Anu ma fɛrɛ sɔrɔn ka kirabɔ a la bawo ala dumɛ da rakolo.

Yobu 2:8

Yobu ya bɔnku-daga-gbɛnkian bi ka to ala sumunɛnu mawɔrɔla wo la. Wo ya a taran, Yobu siginɛ sundu-kunyɛ ma.

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Yaburi 18:27

Min famayiginɛ, ale le ye wo lakisila kɔnɔ ni mɔgɛ min wasira, a si wo wara-koe mayigi.

Yaburi 89:44

I wara ala sɛnɛ-kɔlɔma bi a bolo. I wara ala mansaya-waganɛ gbesi dugu la.

Aiseya 13:1

Alla ya sarakanɛ don nde, Emɔsila den Aiseya bolo. Sarakanɛ wo tɛgɛnɛ Babilɔn kɛnu denu wara-koe ma.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Aiseya 23:12

Ile Saidon soe, ita sewɛ ara ban. Ila mɔgɛnu bi tɔrɛ rɔ. Hali anu ya anu buri tala Saiparasi yi-tɛma-dugi rɔ, anu kunyɛ ti bɔ gbaran rɔ.

Aiseya 26:5

Minnu wasinɛ, a si wonu makimɛ. Anu siginɛ so-latankanɛ minnu tɔ, a si wonu kasara. A si wola tara-layan-bɛ labui gbangban rɔ.

Aiseya 3:26

Kiti-fɔ-tinɛnu si ma di-kɛ-tinɛnu na. Yerusalɛm soe rakolonyanɛ si to iko anu bara digin musi min ma.

Aiseya 37:22

A ko Yerusalɛm kɛnu si tɛgɛ Asiriya Mansa Sɛnakaribu rɔ ka a mayɛlɛn.

Aiseya 52:2

I lasɔ gbangban rɔ ka i nyɛrɛ magbɔngbɔn. Ile so-birani-kɔrɛ, i lawuli. I mayigi ila mansaya-waganɛ rɔ. I kirinɛ yɔlɔkɛ min na nun, i ni wonu tatɛgɛ i ma.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 46:11

Iyipiti kɛnu ni ta Kaliyadi anu dandan bɛsi-nyini-tinɛ. Bɛsɛ wo ti ko nyinya anu ma. Fenfen ti anu dandan.

Yɛrɛmaya 48:18

Wole min siginɛ Dibon soe burɔ, wo si yigi ka bɔ wola gbiliya-tinɛ rɔ ka na sigi gbangban rɔ. Mohabu nyamanɛ kasaralɛ ye yan. Dibon so-latankanɛ kasaranɛ si to.

Yɛrɛmaya 50:1

Mari ya min fɔ nde, Yɛrɛmaya ye Babilɔn nyamanɛ anubɛ a mɔgɛnuna ko la, wo le kɛ la.

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Yɛrɛmaya 51:1

Mari ko a ye fɔn-digidigi-wɛ latugula Babilɔn nyamanɛ anubɛ ala mɔgɛnu ma.

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Nimisa Koe 2:10

Yerusalɛm mɔgɔ-banu-makinikininɛ sigini dugi ma. Gbangban kɛnɛ anu kunyɛ rɔ. Kasa-kurɛ bilanɛ anu kan na alako ka a yira ko anu bi saya-di-kɛ tinɛ. Hali sunkurun-mɛsɛnu, wonu sanɛ dugi ma yisi-tinya bolo.

Nimisa Koe 2:21

A fonike wo, a kinan wo, bɛɛ furi-bolokanɛ ye belenna da-wo-da soe burɔ. Ma yogenu bara ban mala fonikenu tasɔgɔ-sɔgɔla faan la. Ita diminya-belebele le ya a ma, ma yogenu ya ma boso.

Nimisa Koe 4:5

Minnu bi dɔn-fen-diyama-su bɛɛ dɔnna fɔlɔ nun, wonu bolokanɛ kila-kole la kɔnkɛ bolo. Hali fen-tiginuna-dannu, wonu bi dugu-matɔnbɔnna kaka.

Isikiyɛli 26:16

Sibolo-gbɛrɛ-mansɛ minnu siginɛ yi dala, wonu si bɔ anuna mansaya-sigi-fannu tɔ ka anuna mansaya-durukinu bɔ anu kan na. Anu si anuna duruku-bonnɛnu bɔ anu kan na ka to yɛrɛyɛrɛnna dugu-kole kuma. Dan ti taran anuna yɛrɛyɛran la ka a tɛgɛ Taya kɛnu kasara nya ma.

Isikiyɛli 28:17

Bawo a ara a yen min kɛ ko a mafɛlɛn di, wo le wara a ma, a ara wasi. A mankan ara a ma, a ye kun-takolonya-koenu mala. Ka a tɛgɛ wo ma, n ya a fɛrɛn dugi la ka a to sani nyɔ alako mansɛ doinu ni kawa a ma nya min.

Yona 3:6

Ninɛfa mansɛ ya wo lamɔɛn min kɛ, a ya a lakɔɛnma ala mansaya-waganɛ rɔ ka ala mansaya-duruki bɔ a kan na ka kasa-kurɛ kɛ a kan ma. A ya a sigi bugurɛ rɔ.

Hegayi 2:22

N si sɛnbɛ bɔ duninya kun-tiginu bolo. Anuna kirindinu si yɛlɛma ala burilɛnu na. Anuna kɛlɛ-dannu anubɛ anuna soeenu si faga kɛlɛ rɔ.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’