Aiseya 46:7 - ALLALA KUMƐ

⁷ Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Aiseya 46:7 ပူးပေါင်းရင်းမြစ်များ

1 Mansɛnu 18:26

Anu ya tura kelen bi ka wo faga. Anu ya a soge wo sa sɔgɔ-ladɛnnɛ wo kuma. Ka a bi sɔgɔmɛ ma ha tele latelan, anu bi anuna Beyali wo matarala. Anu bi gbele-gbelenna ka a fɔ ko, “Beyali, ma yabi. Beyali, ma yabi.” Anu ya saraka-mintan-tinɛ min nadan, anu tora anu dɔnna wola foolɛ rɔ. Kɔnɔ anu ma yabilɛ mumɛ yen anu yɛ la.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

Aiseya 37:38

Lunyɛ do, ale Sɛnakaribu ye ala Bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

Aiseya 40:20

Ni a ma ke sɛnɛ anubɛ wodi-gbɛ sɔrɔnna, a si kɔn-mele donu bi min ti tuli. A si boloma-wɔli-kɛlɛ do nyini min kɛwu kɔlɔmanu lɛsɛla alako ala fen-lɛsɛnɛ wo kana na bui.

Aiseya 41:28

Kɔnɔ bɛsɛnu mafɛlan n yarɔ anu do-wo-do ma ke punpɛn fɔla. N ba anu manyinika, anu ti ke kumala.

Aiseya 41:29

“Fufafuyi le bɛsɛ wonu na. Anu ti ko-wo-ko nyinya. Anu dama rafaganɛ, sɛ sa bɛsɛ wonu ye.”

Aiseya 41:7

Kɔlɔma-lɛsɛlɛ ye a fɔla siyaki ye ko, ‘Wo ara bɛn.’ Min bi sɛnɛ nɔrɔla bɛsɛ ma, wo ye a gbangbannɛ matɔgɔla. Kɔlɔma-lɛsɛlɛ ye a fɔla sɛnɛ-tatugulɛ ma ko, ‘Ila wɔlɛ wo ara bɛn gbetu!’ Wo kɔma, a si bɛsɛ wo gbangban kan tinɛ do rɔ anu dɛnbɛn-koe la a ti bui kan min.”

Aiseya 44:12

Siyaki wo si nɛgɛ-kundi do bi ka a ladon tɛ rɔ. A si kundu-wɛ bi ka a ratugu a sɛnbɛ la alako a ra ni bɛn yɔnyɔn! A tenbi wɔlɛ wo kun na, kan-nagbalɛ anubɛ kɔnkɛ anubɛ bandan ye ale forongbanna.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 46:1

Mari ko Babilɔn bɛsɛnu wara-koe dan le kɛ la sɔɛn! Bɛsɛ min tɔgɛ Bɛli anubɛ Nibɔ, anu bi wonu kɔla nun kɔnɔ kaka, bɛsɛ wonu kirinɛ sofɛlɛnu kɔ tɛma. Anu bara ma dunɛ la dɔrɔn kolo-fen-bandannɛnu ye.

Aiseya 47:15

I wara i to lole-lakɔrɔsilɛ minnu ma kebi fɔlɔ, wonu tɔnɔ ti taran i ma hali! Wonu si i bolokanɛ to ka ta anu ye fulufele, ado i lakananna fenfen ti taran.

Yɛrɛmaya 10:5

Bɛsɛ wonu mani de dɔrɔn iko sogo-rakilan-fan. Anu ti kuma. Anu ti tagama, fɔ mɔgɛ wa wonu maduni. Wo kana kilan bɛsɛ wonu na. Anu ti mɔgɛ madumɛ, ado anu ti mɔgɛ madɛnbɛ.

Yɛrɛmaya 11:12

Yerusalɛm kɛnu anubɛ Yuda nyamanita-mɔgɛ toe bɛɛ si ta wola bɛsɛnu bara wo dɛnbɛn-koe rɔ. Wo si isɛnti mintan bɛsɛ wonu ye sarakayɛ la kɔnɔ kasarɛ wo wati wa ke, bɛsɛ wonu ti ke wo kunyɛ bɔla kasarɛ wo kɔrɔ.

Yɛrɛmaya 2:28

A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Daniyɛli 3:1

Lunyɛ do, Mansa Nɛbukanasa ya sɛnɛ do ladan ka wo ma ata bɛsɛ la. Ala yanyɛ, nunkan-nya bi-wɔrɔ. A kɔnɛ, nunkan-nya wɔrɔ. Lɛɛ min tɔgɛ Dura, Babilɔn nyamanɛ rɔ, a tara bɛsɛ wo sigi nyɔ.

Yona 1:5

Kulun-tawɔli-kɛlɛ wonu kilanta dɔgɔma-ma-de! Bɛɛ donta ata bɛsi-madiyɛ rɔ. Anu donta dunɛnu nabuiyi rɔ kɔgɔ-yi rɔ alako kulɔn ni fɛya. Anu bi kɛ dama rɔ tumɛ min, wo ya a taran, Yona ye kinɔgɔla kulɔn wo kan tinɛ do rɔ a dan na.

1 Kɔrɛnti 12:2

Yanni wo ni dɛnkɛninya Yisa ma tumɛ min, wo le ya a lɔn ko niyi sa bɛsɛ minnu tɔ, wonu ya wo lasama kila-bɛrɛ ma.

1 Samuwɛli 5:3

Wo wulun sɔgɔma, so-burɔ-mɔgɛnu nara a taran, anuna bɛsɛ wo ara gbangban a sun ma tɔn-kenkirɛ wo yarɔ. Anu ya anuna bɛsɛ wo lawuli tun ka a sɔ a gbɛ rɔ.