Aiseya 46:6 - ALLALA KUMƐ

⁶ Mɔgɛnu si anuna wodi-bɔrɛnu dɛ laka ka sɛnɛ rawuya. Anu bi wodi-gbɛnu sumanna ka anu gbiliyɛ dan lɔn. Anu bi siyaki sarala alako wo ni anuta bɛsɛ ladan anu ye. Wo kɔma, anu bi anu nyɛnkinna bɛsɛ wo kɔrɔ ka a kɔ.

Aiseya 46:6 ပူးပေါင်းရင်းမြစ်များ

1 Mansɛnu 12:28

Ale Mansa Yɛrabowami tara a kun nayigi ala mɔgɔ-banu fɛ. A ban wo mala, a ya sɛnɛ ladan ninki-den filala muninyɛ la. A ya a fɔ ala mɔgɛnu ye ko, “Wole ara mɛ tala Mari bato tinɛ Yerusalɛm. Wole Isirɛla mɔgɛnu, wo ma wota allanu yen kɛ la minnu nara wo la ka bɔ Iyipiti nyamanɛ rɔ?”

Yaburi 115:7

Bole ye anu bolo kɔnɔ anu ti tugu fen na. Kian ye anu bolo kɔnɔ anu ti ke tagamana. Anu kan-woe lafaganɛ tɛnɛnɛ!

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Yɛrɛmaya 10:14

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 10:9

Wodi-gbɛ min bɔra Tasisi soe burɔ, wo sanɛ anuna bɛsɛnu ma. Sɛnɛ-hakikɛ min bɔra Yufasi soe burɔ, wo sanɛ anuna bɛsɛnu ma. Siyakinu anubɛ nunakɛnu denu dɔrɔn bolo-gbɛ ye wonu ma. Anu bi fani-bilolamɛ anubɛ fani-finyɛnu mala bɛsɛ wonu makiri-fannu na. Yese-danna-kɛwuntenu denu bi wonu nadanna.

Yɛrɛmaya 50:38

Alamɛ tɔn sigira bandɛla nɛ la. Bɛnu ni gbala anu worɔn la todo! Babilɔn nyamanɛ lafanɛ bɛsi-makilannɛnu na, ado anu bara mɔgɔ siyaman nayuwaya.

Daniyɛli 3:1

Lunyɛ do, Mansa Nɛbukanasa ya sɛnɛ do ladan ka wo ma ata bɛsɛ la. Ala yanyɛ, nunkan-nya bi-wɔrɔ. A kɔnɛ, nunkan-nya wɔrɔ. Lɛɛ min tɔgɛ Dura, Babilɔn nyamanɛ rɔ, a tara bɛsɛ wo sigi nyɔ.

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.