Aiseya 46:4 - ALLALA KUMƐ

⁴ ado a ko wota Alla le ale la min si to wo fɛ-birala ha wo kunyɛ si gbɛ. A ko ale le ya wo dan, ale le ye wo marala. A si wo dɛnbɛ ka wo kunyɛ bɔ gbaran rɔ.

Aiseya 46:4 ပူးပေါင်းရင်းမြစ်များ

Yaburi 48:14

Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Yaburi 68:19

Ma ni ma tigi tanto min bi mala tɔrɔyɛ bila tuma-wo-tuma. Alla le wo la min si ma kisi.

Yaburi 71:18

Kaka, n bara kinaya, n kunyɛ ara gbɛ. E, Alla, i kana i ban n na. N tenbi i sɛnbɛ wara-koe rakaranna n mamanɛnu ye, i ni taran n fɛ.

Yaburi 71:9

I kana i ban n na bawo n bara kinaya. I kana n boloka bawo n ta ara faga.

Yaburi 92:14

Hali anu bara kɔrɔya, anu si gbɔ iko kɔlɔma wonu. Anu nɔrɔnnɛ, ado anu tagbɛlɛyani de tolon!

Aiseya 41:4

Yon bi kɛ dama mala? Koe minnu bara tenbi nun kɔrɔma la, yon bi wonu kun na? Nde, Mari le nyɔ nun kebi hun, ado nde, Mari si taran nyɔ fanan ha wati-laban.

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 48:12

Mari ko wole Isirɛla mɔgɛ minnu-yabɔnɛ a bolo, wo ni wo tole masɔ. A ko a dabirɛ le ale la, anubɛ a laban, ado a kelen pe le ye Allayɛ la.

Malakayi 2:16

Isirɛlata Mari Alla ye a fɔla ko furu-tinya ma di a ye! A ko ni wole do ya kɛ sufa ma wola musi la, wo gbo a ye. Wo ni wo telen wola musinu ye ka to wola lanyiri latɔnbagayala. Wo kana anu boloka mumɛ!

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Hiburunu 1:12

Anu ta si kunbɛn iko duruki. Anu si yɛlɛma iko mɔgɔ si ala kurɛ mayɛlɛma nya min. Kɔnɔ ile ti yɛlɛma muk! I ti kɔrɔya mumɛ!”

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.