Aiseya 46:12 - ALLALA KUMƐ

¹² Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 46:12 ပူးပေါင်းရင်းမြစ်များ

Yaburi 119:150

N yoge minnu bara a lagbɛlɛya n kuma, wonu denu bi anu gbɛrɛnna n ma. Wonu ti sɔn ila tɔnnu bira-koe ma mumɛ!

Yaburi 119:155

Karagbɛlɛnu ti kisi bawo anu sa ita tɔnnu birala.

Yaburi 49:1

N bi kumɛ min fɔla, duninya-mɔgɛ bɛɛ ni a tole masɔ kɛ la.

Yaburi 76:5

Wo ya a ma, anuna kɛlɛ-kurugbɛnu bara foo anu bolo-fan bɛɛ la. Wonu sanɛ anuna kinɔgɔ-laban rɔ, ado anuna sɛnbɛ anubɛ anuna kusanyɛ bɛɛ ara ma fuyi la.

Aiseya 28:14

Woletɔ wole mɔgɔ-ba-wasinte minnu bi Yerusalɛm kɛnu kun na, wo ni wo tole masɔ Mari kan la.

Aiseya 28:23

Wo ni wo tole masɔ nde, Aiseyala kumɛ la. Wo ni wo yɛ lana.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 46:3

Wole Yakoba kebila-toe min tonɛ, wo ni wo tole masɔ. Mari ko ka a bi wola denninya-wati ma, a ye wo fɛ-birala,

Aiseya 48:1

Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Aiseya 48:4

A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 59:14

Anu ko ma ara ko-telennɛ gben. Koe min bɛnnɛ, ma ara ma masɛgi wo la. Ma ye ma kian latugula tonyɛ la kila-kolenu na soe tɛma. Ma sa sɔnna ko-telennɛ-ladon-koe ma soe burɔ.

Aiseya 59:15

Hali tonyɛ nyantaranɛ, a ti yen kan-bo-kan, ado ni mɔgɛ ya a fara ko-yogoma-kɛ la, anu si wo bira boloko-yogomɛ-kɛ.” Mari ya a kolan lakalan, a ma ke telenbagaya fenfen yenna mɔgɛnu tɛma. Wo ya a ma, a kɔrɔtɔra.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Aiseya 9:9

Isirɛla mɔgɛ damasi si a lɔn yati, ko Alla ara anu yiliki katarala minnu siginɛ Samariya soe burɔ, ado kaka, anu sa ko-wo-ko kun na fɔ kɔgɔ-ratugu anubɛ wasinteyɛ. Anu bi a fɔla ko,

Yɛrɛmaya 2:5

Mari ko a ya a telen wo benbanu ye min kɛ, nfenna anu ya anu kan-kɔ sɔ a la? A ko wo benbanu ya bɛsi-fufafuyinu kɔ ha anu denu fanan mara mɔgɔ-fufafuyinu na iko anuna bɛsɛnu.

Emɔsi 5:7

“Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Habakuku 1:3

N nafoonɛ karagbɛlɛnu anubɛ kasara-kɛlɛnu na pito! Mɔgɛnu bi buila anu nyɔgɔn ma ka wunduyogoya-su bɛɛ sigi anu nyɔgɔn na kan-tinɛ bɛɛ rɔ. Nfenna i ye a mala, nde ye wonu tayenna n yɛ la? Nfenna Mari, ile nyɛrɛ ye ko-sufa kɛnu tayenna ka i munyu wonu kɔrɔ?

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Ɛfɛsa 2:13

Ka a tɛgɛ Yisa Kirasiti ma, wole minnu fɛ-yan Alla la nun, wo gbɛrɛnnɛ Alla ma kaka. Kirasiti Yisa yele mara wola sarakɛ la.

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”