Aiseya 46:11 - ALLALA KUMƐ

¹¹ A ko a ye kei do kelela tele-bɔɛ min si yigi wo kuma iko tanbakɔrɔmanɛ. A ko ale Mari ara minnu miriya nun, kei wo le ye anu natɔnbagayala. Ale Mari ko a ara ban a fɔla, ado a ye wo nya na le gbɛn!

Aiseya 46:11 ပူးပေါင်းရင်းမြစ်များ

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yaburi 119:24

Ila labilɛ ya a ma, n sewara. N makawandilɛ le ila sereyanu na.

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 18:6

Anuna kɛlɛ-dannu furi si ma soge anubɛ konanu beli-fan la. Telemɛ rɔ, konanu si wonu dɔn. Samɛ rɔ, sogenu si wonu dɔn.

Aiseya 22:25

Ado nfan, wo wa ma, kɔlɔma min gbangbannɛ bon-kɔgɔ rɔ gben, wo si to magala ka bui dugu ma. Min bɛɛ dunnɛ a la, wo bɛɛ wara-koe si ka-a-la.” Mari kan le kɛ la.

Aiseya 25:1

Mari, nta Alla le ile la. N si i matɔgɔ ka i gbiliya. I wara kabana-koenu kɛ. I wara min miriya nun, i wara wonu natɔnbagaya, bi ko ma.

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 38:15

N si nfen fɔ gbɛ, bawo Mari le ya kɛ ma? N yisi ma ara gboya, ado kinɔgɛ ti n ya bira.

Aiseya 41:2

“Yon nara nɔli-kɛlɛ la ka bɔ tele-bɔɛ wara la? A wa ta kan-bo-kan, yon ye nɔli-sɛnbɛ dila a ma? Yon bi nɔ-ko-sɛnbɛ dila wo ma mansɛnu anubɛ nyamanɛnu kuma? Nɔli-kɛlɛ wola faan ye mɔgɛnu murumurula iko gbangban. Wola kalabɛn ye anu tanyɛnsɛnna iko fɔnyɔ wa bin-gbalɛnu fɔrɔn.

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Aiseya 45:13

A ko ale le nyɛrɛ-nyɛrɛ ya Sairasi lawuli ko a ni ale Marita wɔlɛ kɛ anubɛ ka koenu natelen. Mari si kilɛnu matelen Sairasi yarɔ. A si sɔn Mansa Sairasi ni Yerusalɛm sɔ tun a kurɛ la. Wo kɔma, ale Sairasi ni ata mɔgɛnu kunyɛ bɔ birɛ rɔ. A ko mɔgɔ ma wodi di Sairasi ma wola ko la, mɔgɔ ma dogonta-fan di a ma. Mari Sɛnbɛ-Bɛɛ-Tigi kan le kɛ la.

Aiseya 56:9

Mari ko wole sogo-feremɛnu, wo na sagɛnu tafarafara. Wole firarɔ-sogenu, wo na ala mɔgɛnu dɔn kedeku!

Yɛrɛmaya 44:28

Wo mɔgɔ-dande si wo buri ka bɔ Iyipiti ka ta Yuda. Wo dande min bi tola, wo si a lɔn ni tonyɛ ye minta kumɛ la, wotɛ wo, Maritɛ wo.

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Yɛrɛmaya 50:44

Mari ko a si a ma, Babilɔn kɛnu ni anu buri iko yarɛ wa bɔ Yorodan-ba-gbɔngbɔn rɔ ka a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye nyamanɛ marala. Mari ko ale nyɔgɔn sa nyɔ. Yon si a kɔgɔ raka a la? Kun-tigi yon si ke a rasɛla?

Yɛrɛmaya 50:45

Mari ko a ara koe min tabɛn Babilɔn kɛnu kan ma, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Kɛwɔlɛnu 5:39

Kɔnɔ ni Allatɛ le wo la, wo ti ke anu nɔla mumɛ! Wo si a yen ko wo ye Alla le kɛlɛla tun!” Mɔgɔ-banu ya karan-mɔgɔ Kamaliyɛlila kumɛ bira.

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Ɛfɛsa 3:11

Alla ya wo ma Mari Yisa, Allata-Mɔgɔ-Yabɔnɛ baraka rɔ iko a ara a latɛgɛ nya min nun kebi fɔlɔfɔlɔ.

Lankɛnimayɛ 16:12

Wo kɔma, melika wɔrɔ nyɔgɛ ya ata pani-kunbɛ rawuya Yufɛrɛti-ba-wɛ rɔ. Bɛ wo gbalata ka kilɛ laka mansɛnu ye minnu bi nala ka bɔ tele-bɔɛ.