Aiseya 45:8 - ALLALA KUMƐ

⁸ A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Aiseya 45:8 ပူးပေါင်းရင်းမြစ်များ

2 Mansɛnu 19:25

“A ko Mansa Sɛnakaribu ma a lamɔɛn ko Marita miriya le kɛ la, ado a ye wo dafa tinɛ le, wa? Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Yaburi 68:8

dugi yɛrɛyɛrɛnta, bandɛ ya a dɛ bɔ a kɔrɔ bawo ile Isirɛlata Alla ya i nyɛrɛ yira anu na Sinayi kɔnkɛ kuma.

Yaburi 72:3

Alamɛ ala nyamanɛ sabatira. Alamɛ ala mɔgɛnu mara mɔgɔ-latelennɛnu na.

Yaburi 72:6

Alamɛ mansɛla mansayɛ ya ala mɔgɛnu munanfaga iko banda-yi ye ki-fannu nasabatila nya min.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 53:2

A luruba-lurubɛ Alla yala iko ki-fen-hakikɛ min suli ye dugu-gbalanɛ rɔ. Kɔnɔ hadama-dan yɛ-bɔ-kunya-wo-kunya sa a la. A yen-nya si a ma, a mafɛlɛn-sɔgɛ ti mɔgɛ bira.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 61:11

Iko dugi ye ki-fannu nafɛrɛnna nya min sundi rɔ, Mari si a ma, telenbagayɛ anubɛ tantolɛ ni fɛrɛn sibolenu ya la wo nya na le.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 66:22

Wola dannu anubɛ wole tɔgɛ mankan si to iko san-kolo-kurɛ anubɛ dugu-kolo-kurɛ si to nya min.

Yɛrɛmaya 31:22

Wole minnu bara wo kan-kɔ sɔ Mari la, wo si to dɛnkɛninyabɛlitayɛ kɛ rɔ ha tumɛ nyamintan? A manɛ iko Mari ara ko kurɛ do dabira. Wo makawara iko musi tenbi kei kumafunfanna.

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 4:24

Fɔ wo ni kɛ-nya-kurɛ bi min nadannɛ iko Allatɛ ye nya min. Mɔgɛ min si kɛ-nya-kurɛ bi, wo si gbɛ ko wonu telennɛ Alla yala, ado wo bɛɛ sɛninyani de!