Aiseya 45:7 - ALLALA KUMƐ

⁷ A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 45:7 ပူးပေါင်းရင်းမြစ်များ

2 Mansɛnu 19:25

“A ko Mansa Sɛnakaribu ma a lamɔɛn ko Marita miriya le kɛ la, ado a ye wo dafa tinɛ le, wa? Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Yobu 10:13

Kɔnɔ kaka gbɛ, n bara a lɔn ko kɛ bɛɛ rɔ, i kɔnkɔnnɛ n ma ko-yogomɛ kɛ-koe la.

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 105:28

Alla ya pinpi burun nyamanɛ wo kun na bawo Iyipiti kɛnu ya ala kumɛ masɔsɔ.

Yaburi 29:11

Mari si sɛnbɛ di ata mɔgɛnu ma. A si ata duwɛ layigi anu kuma. Anu ni yisi-kimɛ sɔrɔn.

Yaburi 74:16

I ya suyi anubɛ tele dan. I ya tele anubɛ karɛ sigi anu sigi tinɛnu tɔ.

Yaburi 75:7

Alla nyɛrɛ le kiti-tɛgɛlɛ la. A si yoe di donu ma ka donu yiliki.

Yaburi 8:3

N ba san-kolo-ladannɛ mafɛlɛn, i wara karɛ anubɛ lolenu sigi anu gbɛ rɔ nya min,

Bɔ-Koe-Iyipiti 14:20

Banda-fin-gbɛ wo tora Iyipiti kɛnu anubɛ Isirɛla mɔgɛnu tɛma. A tɔnkɔn doi ya pinpi burun Iyipiti kɛnu kuma bɛff! A tɔnkɔn doi ya waan raka Isirɛla mɔgɛnu ma waran! Iyipiti kɛnu anubɛ Isirɛla mɔgɛnu ma ke anu nyɔgɔn yenna suyi wo nyɛrɛ rɔ hali ka gbɛrɛn anu nyɔgɔn ma lefan!

Aiseya 31:2

Mari wa kasarɛ lana tumɛ min, a ya a lɔn a ye min mala. Alla wa mɔgɔ-yogomɛnu anubɛ anu kumafunfannɛnu niyi-ragbɛrɛn-koe fɔ tuma-wo-tuma, a si a kan wo latɔnbagaya.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Yɛrɛmaya 51:20

Mari ko, “Ile Babilɔn, nta kundu-wɛ le ile la. Nta kɛlɛ-kɛ-fan le ile la. N si ile bi alako ka sibolenu anubɛ nyamanɛnu kasara.

Nimisa Koe 3:38

Alla Min Bi Fan Bɛɛ Kun Na, tɔrɛ anubɛ duwɛ sa bɔla wo le bolo, wa?

Isikiyɛli 32:8

N si wan-takanɛ bɛɛ ladufen ka pinpi burun duninya mumɛ kun na. Nde, i Tigi Mari kan le kɛ la.

Daniyɛli 2:22

Koe minnu nya-yen ma di anubɛ koe minnu dogonnɛ, ale le ye wonu nabɔla gbɛ ma mɔgɛ ye. Hali pinpirɔ-koenu, wonu bi gbɛ ma ale bolo bawo ale mayiginɛ wan-takanɛ rɔ.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Nehami 1:8

A si tugu a yogenu kan ma ka anu nato dogbe iko yi wa tugu a rɔ wuu! Mɔgɛ min ba a rasɛ, a si wonu natosokɔrɔ lakira.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Yude 1:13

Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!

Yude 1:6

Wo ni wo hɛnkili to melikanu fanan ko. Wo donu ma to anuna sɔ tinɛnu tɔ, fɔ ka anu ban anu nyɛrɛ sɔ tinɛ la. Alla ara wonu mara pinpi rɔ dugu kɔrɔ habadan-yɔlɔkɛ la. Anu si yiliki tele min ma, anu maranɛ wo tele makawanɛla ko la.