Aiseya 45:5 - ALLALA KUMƐ

⁵ Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Aiseya 45:5 ပူးပေါင်းရင်းမြစ်များ

1 Mansɛnu 8:60

Woletɔ duninya-mɔgɛ bɛɛ si a lɔn ko ale Mari le Alla la. Alla-gbɛrɛkɛ sa ale kɔma.

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Yobu 12:18

Alla si mansaya-durukinu bɔ mansɛnu kan na ka yɔɔnya-durukinu don anu kan na.

Yobu 12:21

A si kun-tiginu nayarabi. A si kurugbɛnu bole gbesi a la ka kɛlɛ-kɛ-fannu bɔ anu bolo.

Yaburi 18:31

Mari kelen pe le Alla la. Yon si ma kumafunfan Alla kɔma?

Yaburi 18:32

Alla le si fanka di n ma. A si kilɛ diya n na.

Yaburi 18:33

Ale si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a si n sɔ-bole rabɛn.

Yaburi 18:39

E, Mari, ile le ya ila sɛnbɛ ma n makiri-fan la, ha n yogenu buira n kɔrɔ ka anu nyɛrɛ latenbi n ma.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 22:21

Wo wa na tumɛ min, Mari ko a si ila sɔ tinɛ di ale Ilayakim ma ka ila mɔgɔ-baya-duruki don a kan na anubɛ a butɛ-kiri-fan. Wo si ma Yuda kɛnu anubɛ Yerusalɛm kɛnu fa la.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:1

Mari le wara Sairasi yabɔ ko a ni ma mansɛ la. A ya a yabɔ alako a ni sibolenu nɔ kɛlɛ rɔ. A ya ale Sairasi sɔ ko a ni sibole wonuna mansaya-sɛnbɛ dɛ makeri. Mari nyɛrɛ le ye soe wonu tarɛ-dɛnu nakala alako ale Sairasi ni don anu kuma. Mari ya a fɔ Sairasi ye ko

Aiseya 45:6

A ko ni i ya a yen, a ye wo mala, wo manɛ alako duninya-tonko-nanɛ bɛɛ ni a lɔn ko ale le Mari la, ado Alla-gbɛrɛkɛ sa ale kɔma.

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Isikiyɛli 30:24

Wo kɔma, n si Babilɔn mansɛ bole ragbɛlɛya ka faan don a bolo. Kɔnɔ Iyipiti mansɛ, n si wo bolo filɛ rakeri. A ni to kurunna dumɛ bolo. A ni faga a yogenu yala fuyan!

Yowɛli 2:27

A ko wo le si a yira wo la ko wole, Isirɛla mɔgɛnu ni a lɔn ko ale Mari ye wo tɛma. A ko wo si a lɔn ko ale Mari le wota Alla la. Ale le kelan ye nyɔ Allayɛ la, ado a ko a ti sɔn, mɔgɔ-wo-mɔgɔ ni anu yɛ layigi wole, ala mɔgɛnuna sole rɔ tun.

Yɔni 1:1

Yanni Alla ni duninya dan, anu bi ale min kelela Kumɛ, a ye nyɔ nun. Alla ye kan min, ale Kumɛ fanan ye nyɔ, ado anubɛ Alla, kelen de anu na.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Tɔn-Fɔɛ-Fila-Nyɔgɛ 4:35

Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.