Aiseya 45:21 - ALLALA KUMƐ

²¹ Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Aiseya 45:21 ပူးပေါင်းရင်းမြစ်များ

Yaburi 26:7

N bara baraka-bira-bɛti bɔ i ye wo le ya a ma, n bara ila kabana-koenu karan mɔgɛnu ye.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Yaburi 96:10

Wo ni a fɔ sibole doinu ye ko, “Mari le mansɛ la.” Ale le ya dugu-kole kɛ sigi ka a banban, ado a la ti maga. A si mɔgɛnu kiti telenbagayɛ la.

Aiseya 19:20

Fen filɛ wonu si ma Mari Sɛnbɛ-Bɛɛ-Tigita tamasere la Iyipiti nyamanɛ rɔ. Mɔgɛ wonu tenbi tɔrɔyɛ rɔ tumɛ min, anu ba Mari kele anu dɛnbɛn-koe la, a si kinikini anu ma ka anu nakanan.

Aiseya 41:26

Yon si ke kɛ labɔla a kunyɛ rɔ ko kɛ ye mala le yarɔ? Ni wo si ke kɛ mala le nun, ma si wo yo sa nun. Kɔnɔ wo do-wo-do ma ke kɛ fenfen fɔla ma ye. Ma ma ke fenfen namɔɛnna wo la.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 43:9

A ko ma ni sibole bɛɛ kundɛn. Anuna bɛsi-nyamintan si ke sinan-koe fɔla? Ma ye koe min kun na kaka, anuna bɛsi-nyamintan ya wo rakaran nun? Bɛsɛnu fanan ni na anu serenu na alako ma ni a lɔn ko anu yo. Anu ni a fɔ ko anu bara tonyɛ fɔ.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Aiseya 48:14

A ko wo bɛɛsi ni wo kundɛn ka wo tole masɔ. Bɛsi-wo-bɛsi ti yarɔ-koe fɔ ko ata mɔgɔ-yabɔnɛ si Babilɔn kɛlɛ. Ale Mari ye nyinina min ma, ata mɔgɔ-yabɔnɛ ye wo le kɛla a ye.

Aiseya 48:3

Mari ya a fɔ Isirɛla mɔgɛnu ye ko, koe min bi nala mala, bi-ko-ma wo miriyɛ ye a bolo, ado a ma mɛ lefan, wonu bɔra a la tiriya!

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Sakaraya 14:7

Pinpi ti burun wo ma. Su-ni-tele, wan le rakanɛ waran! Mari kelen pe le ya kɛnu ma-wati lɔn.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”