Aiseya 45:13 - ALLALA KUMƐ

¹³ A ko ale le nyɛrɛ-nyɛrɛ ya Sairasi lawuli ko a ni ale Marita wɔlɛ kɛ anubɛ ka koenu natelen. Mari si kilɛnu matelen Sairasi yarɔ. A si sɔn Mansa Sairasi ni Yerusalɛm sɔ tun a kurɛ la. Wo kɔma, ale Sairasi ni ata mɔgɛnu kunyɛ bɔ birɛ rɔ. A ko mɔgɔ ma wodi di Sairasi ma wola ko la, mɔgɔ ma dogonta-fan di a ma. Mari Sɛnbɛ-Bɛɛ-Tigi kan le kɛ la.

Aiseya 45:13 ပူးပေါင်းရင်းမြစ်များ

Ɛsira 1:3

Wole Allata mɔgɛnu, alamɛ Alla tora wo fɛ. Wo ta Yerusalɛm ka Mari Bato-Bɔn sɔ a kurɛ la Isirɛlata Alla ye nyɔ, anu bi Alla min batola Yerusalɛm soe burɔ, kɔni.

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Aiseya 13:17

Mari ko a ye Midi kɛnu nakɛla Babilɔn kɛnu ma. Anuna sɛnɛ anubɛ anuna wodi-gbɛ miriya fenfen sa anu yoge wonu na

Aiseya 14:17

Kei kelan kɛ le ma so-karantannu tii mɛmɛ, ka duninya rakolonya, wa? Kei kɛ le ma a ban mɔgɔ-biranɛnu boloka-koe ma?’

Aiseya 41:2

“Yon nara nɔli-kɛlɛ la ka bɔ tele-bɔɛ wara la? A wa ta kan-bo-kan, yon ye nɔli-sɛnbɛ dila a ma? Yon bi nɔ-ko-sɛnbɛ dila wo ma mansɛnu anubɛ nyamanɛnu kuma? Nɔli-kɛlɛ wola faan ye mɔgɛnu murumurula iko gbangban. Wola kalabɛn ye anu tanyɛnsɛnna iko fɔnyɔ wa bin-gbalɛnu fɔrɔn.

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Aiseya 45:2

ale nyɛrɛ-nyɛrɛ si kilɛ laka a ye ka kɔnkɛnu anubɛ gburukulinu tii a yarɔ. Tarɛ min don-dɛ ladannɛ silɛɛ la, Mari ko a si wonu keri ale Sairasi yarɔ. A balan-fan min nadannɛ nɛgɛ la, a si wonu takerikeri.

Aiseya 46:11

A ko a ye kei do kelela tele-bɔɛ min si yigi wo kuma iko tanbakɔrɔmanɛ. A ko ale Mari ara minnu miriya nun, kei wo le ye anu natɔnbagayala. Ale Mari ko a ara ban a fɔla, ado a ye wo nya na le gbɛn!

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Maika 4:10

Nfen bi a tola, wole Yerusalɛm mɔgɛnu bi wo forongbesila iko musi buyi wa a lamaga. Bawo fɔ wo wa wo buri ka Yerusalɛm takolonya ka ta wo sigi kan-tina-rakolɔn do rɔ. Wo yogenu si ta wo la Babilɔn kɔnɔ wati wa tenbi wota Mari si wo kunyɛ bɔ wo rɔ.