Aiseya 44:8 - ALLALA KUMƐ

⁸ A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 44:8 ပူးပေါင်းရင်းမြစ်များ

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

Ko-Dabirɛnu 48:19

A fa ma sɔn wo ma. A ko, “Nna den, min bi a tola n bi kɛ mala, n ya wo lɔn. Manasa-kegeyɛ fanan si siyaya ka ma bɔnsɔn-malɔnnɛ la. Kɔnɔ a dɔgɛ wo si sɛnbɛ sɔrɔn ka tenbi ale la. A kegeyɛ fanan si siyaya ka ma bɔnsɔn-malɔnnɛnu na.”

2 Samuwɛli 22:32

Mari kelen pe le Alla la. Yon si ma kumafunfan Alla kɔma?

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Ɛsira 8:22

N miliyara le ka mansɛ manyinika kɛlɛ-den so-laburilɛnuna ko ma minnu si ma matanka kilɛ la. N miliyara le bawo n bara ban a fɔla a ye nun ko mɔgɔ-wo-mɔgɔ lanɛ mata Alla la, a si wo tigi dɛnbɛ, ado mɔgɔ-wo-mɔgɔ ya a kan-kɔ sɔ a la, a ti sewa wo tigi la fɔ ka a tɔrɔ.

Yaburi 18:31

Mari kelen pe le Alla la. Yon si ma kumafunfan Alla kɔma?

Yaburi 18:32

Alla le si fanka di n ma. A si kilɛ diya n na.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Aiseya 17:10

Wole Isirɛla mɔgɛnu, Alla min bi iko mɔgɛ si dogon farɛ min kɔma, a ye wo lakananna ka wo kumafunfan, wole ara nyina wo ko salon! Yanni wo ni sɛgi Alla ma, fɔ wo ye nako-nyimɛnu nadanna sibolo-gbɛrɛnuna bɛsɛnu ye.

Aiseya 26:4

La Mari la tolon! A si to ma lakananna burubukai!

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Aiseya 41:23

Min bi nala mala sina, wo ni wonu fɔ ma ye. Ni wo kera wo mala, nba, wobɛ Allatala mansa-gbu-wɛ rakɛn de wo rɔ. Wo ni kabana-koe do ma, ni wo ma, wo ni na kasarɛ do la. Wo ni a ma, ma kun ma ni kɔ kilan anubɛ gbiliyɛ la.

Aiseya 42:9

A ko a ya koe minnu fɔ wati-tenbinɛ, wonu bara bɔ-a-la, ado a ko ale le si ko-kurɛnu fɔ wo ye yanni anu ni bɔ a la.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 43:12

Koe min bi nala mala yarɔ, ale le ya wo fɔ ma ye. Wo kɔma, a nara ma dɛnbɛn-tinɛ koe wonu tɔ. Sibolo-wo-sibolola bɛsɛ ma ke wɛ kɛnu mala. A sere le male la.

Aiseya 43:9

A ko ma ni sibole bɛɛ kundɛn. Anuna bɛsi-nyamintan si ke sinan-koe fɔla? Ma ye koe min kun na kaka, anuna bɛsi-nyamintan ya wo rakaran nun? Bɛsɛnu fanan ni na anu serenu na alako ma ni a lɔn ko anu yo. Anu ni a fɔ ko anu bara tonyɛ fɔ.

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Aiseya 48:3

Mari ya a fɔ Isirɛla mɔgɛnu ye ko, koe min bi nala mala, bi-ko-ma wo miriyɛ ye a bolo, ado a ma mɛ lefan, wonu bɔra a la tiriya!

Aiseya 48:5

Woletɔ a ko koe min bi nala mala wo la yarɔ, a ya wonu fɔ. A ye koe fɔla le, a ni na to bɔla-a-la. A ya wo ma le alako wo kana na a fɔ ko wola bɛsi-lɛsɛnɛnu anubɛ wola bɛsi-laleenɛnu bara kɛnu ma.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Daniyɛli 6:22

Nta Alla ara ata melika lana ka yarɛ kɛnu dɛ makiri alako anu kana ko ma n na. A ya kɛ ma le bawo n ma ko tinya, ado n ma ko-yogoma ma i la.”

Yowɛli 2:27

A ko wo le si a yira wo la ko wole, Isirɛla mɔgɛnu ni a lɔn ko ale Mari ye wo tɛma. A ko wo si a lɔn ko ale Mari le wota Alla la. Ale le kelan ye nyɔ Allayɛ la, ado a ko a ti sɔn, mɔgɔ-wo-mɔgɔ ni anu yɛ layigi wole, ala mɔgɛnuna sole rɔ tun.

Yɔni 1:1

Yanni Alla ni duninya dan, anu bi ale min kelela Kumɛ, a ye nyɔ nun. Alla ye kan min, ale Kumɛ fanan ye nyɔ, ado anubɛ Alla, kelen de anu na.

Yɔni 10:30

Mabɛ n Fa, kelen de ma la.”

Yɔni 6:10

Nba, Yisa ya a fɔ anu ye ko, “Wo ni mɔgɛnu nasigi.” Nba, mɔgɛnu ya anu mayigi binyɛ rɔ nyɔ. Kei minnu bi nyɔ, anu si mɔgɔ waga lolɛ (5,000) nyɔgɔn bɔ nun.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 4:35

Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

1 Yɔni 1:2

Nimayɛ kɛ bɔra gbɛ rɔ tumɛ min, ma ya a yen feu! Woletɔ ma ye kumala ala ko la ka habadan-nimayɛ wo wara-koe fɔ wo ye. Niyi wo ye Fa Alla fɛ nun, ado ale le ya wo labɔ gbɛ rɔ ma ye.

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.