Aiseya 44:3 - ALLALA KUMƐ

³ A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 44:3 ပူးပေါင်းရင်းမြစ်များ

Yobu 5:25

I si yiri bui! Ila dannu si siyaya iko binyɛ!

Yaburi 107:35

Wo kɔma, a ya kɛnkɛn-dugi yɛlɛman yi-kundi-dan-natɛgɛnɛnu na. A ya dugu-gbalanɛ yɛlɛman tenke gbansannu na.

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Aiseya 27:3

ale nyɛrɛ le ye anu yi kɛla tuma-wo-tuma. A ye nyɔ makandanna su-ni-tele alako ko kana ma a la.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Aiseya 48:19

Wo mamanɛnu si siyaya nun iko ba-kɛnkɛn. A ti sɔn wo halaki-koe ma nun.

Aiseya 48:21

Mari ye wole, ala mɔgɛnu natenbila wula-da-rakolɔn rɔ tumɛ min, anu kan na ma gbala mumɛ! A ya yi latugu farɛ rɔ wo ye. A ya farɛ ratii nya min wo, yi tugura a rɔ le.

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Aiseya 55:1

Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Aiseya 61:9

A ko wola dannu si ma mɔgɔ-malɔnnɛ la duninya bɛɛ rɔ. Wo mamanɛnu fanan ma si lɔn kan tinɛ bɛɛ rɔ. Mɔgɔ-wo-mɔgɔ ya anu yen, wo si a lɔn yati, ko Allata duwɛ ye anu fɛ.

Aiseya 65:23

Mɔgɛnuna wɔlɛ ti to anu ma tun fu! Anuna dannu ti to tɛgɛla a ma tun. Marita mɔgɛ bɛɛ si to duwɛ kɔrɔ. Marita mɔgɛnu anubɛ anuta dannu si to duwɛ sɔrɔnna.

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Isikiyɛli 47:8

A ya a fɔ n ye ko, “Bɛ kɛ ye tala le ka nyamanɛ ratɛgɛ kasan, ka ke Yorodan-ba-lɛɛ ma ha ka ke Dalɛ Faganɛ ma. A wa ke Dalɛ Faganɛ wo ma, a si kɔgɔ-yi wo yɛlɛma yi-nyimɛ la.”

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Yowɛli 2:27

A ko wo le si a yira wo la ko wole, Isirɛla mɔgɛnu ni a lɔn ko ale Mari ye wo tɛma. A ko wo si a lɔn ko ale Mari le wota Alla la. Ale le kelan ye nyɔ Allayɛ la, ado a ko a ti sɔn, mɔgɔ-wo-mɔgɔ ni anu yɛ layigi wole, ala mɔgɛnuna sole rɔ tun.

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Yowɛli 3:1

Wo wati wa ke, Yuda anubɛ Yerusalɛm kɛnu bi nya min nun fen-tigiyɛ la, Mari ko a si wo lasɛgi wo gbɛ rɔ wo nya na tun.

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 12:43

“Nba, nyina-yoge wa bɔ mɔgɔ fɛ tumɛ min, a si yilan-yilan wulɛ rɔ ka a sulen tinɛ nyini. Ni a ma kan tinɛ do yen,

Kɛwɔlɛnu 10:45

Yahudiya dɛnkɛninya-mɔgɛ minnu bilara Pita fɛ ka bɔ Yapa soe burɔ, wonu kawara ko Alla ara ata Ni-Sɛnimɛ labɔn sibolo-gbɛrɛnu fanan kuma.

Kɛwɔlɛnu 2:17

‘Alla ko a si min ma tele-labannu tɔ, wo le kɛ la. A ko a si ata Ni-Sɛnimɛ layigi mɔgɛ bɛɛ kuma. Mala den-keinu anubɛ mala dunmusinu si wɔlɔyiyɛ kɛ. Mala kemini-mɛsɛnu si ko-rayirɛnu yen. Mala kɛmɔgɛnu si kiyonu sa.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Lankɛnimayɛ 21:6

Nba, a ko, “A ara ban! A fɔlɔtɛ anubɛ a laban le nde la, ado a dabirɛ anubɛ a kundɔn le nde la fanan. Mɔgɔ-wo-mɔgɔ kan lagbalanɛ, n si nimaya-tenke-yi di wo ma min sɔnkɔ sa.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.