Aiseya 44:26 - ALLALA KUMƐ

²⁶ Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Aiseya 44:26 ပူးပေါင်းရင်းမြစ်များ

2 Mansɛnu 7:16

Samariya mɔgɛ bɛɛ tugura wuu, ka ta Siriyanuna dagɛ rɔ ka anu bolo-fan bɛɛsi bi. Wo le ya a ma, dɛgɛ-munke pani-kunbɛ-nya sawa santa wodi-gbɛ-gbuni kelen na. Iko Mari ya a fɔ nya min nun, fui-fan fanan, pani-kunbɛ-nya wɔrɔ santa wodi-gbɛ-gbu-ni kelen na.

Ɛsira 2:70

Saraka-masɔlɛnu wo, Lifayinu wo, anubɛ a mɔgɛ toe donu sigira Yerusalɛm soe anubɛ ala foolɛ rɔ. A fɔli-kɛla wo, a Bato-Bon-kandanni wo, a Bato-Bonna-wɔlila wo, wonu sigira so-gbɛrɛkɛnu tɔ nyɔla foolɛ rɔ. Isirɛla mɔgɛ toenu sigira anu benba so-kɔrɛnu tɔ.

Nihɛmaya 1:3

Wonu ko mɔgɔ-birani-kɔrɛ minnu kunyɛ ma to-a-rɔ, wonu sɛgira Yerusalɛm. Anu kɔndɔfilinɛ kaka dɔgɔma-ma-de! Anu ko fanan ko sibolo-gbɛrɛ minnu bi anuna foolɛ rɔ, wonu yigi tɛgɛnɛ anu tɔ. Anu ya min fɔ n ye Yerusalɛm wara-koe rɔ ko kebi anu ya nyɔ-tarɛ keri ka a don-dɛnu mintan, ha bi, nyɔ tinyanɛ. A la ma dan bɛ.

Nihɛmaya 2:3

N duwara a ye, n ko, “N tigi, alamɛ i mɛra ila mansayɛ kɛ rɔ. N tigi, ma benbanu togon tinɛ wo ara tii. A tarɛ don-dɛ ara mintan gburr! Wo le ara a ma, n yisi ara tinya pɔ!”

Yaburi 102:17

Ale ara a ban mɔgɛ minnu na nun, a si a wɔlɔ matɔlɔ wonuna madiyali-kɛ-kan la.

Yaburi 147:2

Mari ye Yerusalɛm sɔla a kurɛ la ka ala mɔgɔ-birani-kɔrɛnu nana a rɔ.

Yaburi 69:35

A si Yerusalɛm lakisi ka so-nɛnu sɔ-kura-kɛ tun Yuda nyamanɛ rɔ. Ata mɔgɛnu si sigi nyɔnu tɔ ka nyamanɛ wo bi.

Yaburi 69:36

Nyɔ si ma a batolɛnu kegeyɛ halalɛ la. A kenintenu denu si sigi nyɔ.

Makawandili Kumɛnu 3:3

Mɔgɔ-faga-wati ye nyɔ, a dandan-wati ye nyɔ. Fen-wayan-wati ye nyɔ, a sɔ-wati ye nyɔ.

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 42:19

Fiyɔn do ye nyɔ minna fiyonyɛ tenbira nta Isirɛla mɔgɛnutɛ la, wa? Tolo-gbere do ye nyɔ minna tolo-gbereyɛ tenbira nde, Marita kilayatɛ la, wa?

Aiseya 42:9

A ko a ya koe minnu fɔ wati-tenbinɛ, wonu bara bɔ-a-la, ado a ko ale le si ko-kurɛnu fɔ wo ye yanni anu ni bɔ a la.

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 54:3

Wo ni wo karan bawo i ma si kofu i maran anubɛ i bolo-nyimɛ rɔ. Ila dannu si sibolo-gbɛrɛnu mara. Ila dannu si sigi tonbon-kɔrɛnu tɔ.

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Aiseya 60:10

Ile Yerusalɛm, sundannu si i tarɛ sɔ-kurɛ-kɛ tun. Anuna mansɛnu si to wɔlila i kɔrɔ. Mari ko a fonde bɔnɛ wati min, a ya i tɔrɔ kɔnɔ kaka, a si kinikini i ma ka ko-nyimɛ kɛ i ye.

Aiseya 61:4

Wo si soenu sɔ tun minnu bara kasara nun kɔrɔma la. Wo si tonbon-kɔrɛnu sɔ tun a kurɛ la.

Yɛrɛmaya 1:10

Ka a dabira bi ma, n bara sibole anubɛ nyamanɛnu natenbi i ma. I si donu wurun ka donu fanka mayigi. I si donu kasara ka donuta mansayɛ bi anu bolo. I si donu sigi mansayɛ la ka donu sɔ fanka rɔ fanan.”

Yɛrɛmaya 28:9

Kɔnɔ ni nɛbi nara yisi-kimɛ wara-koe fɔ-tinɛ, ala wɔlɔyiya-kumɛnu ba bɔ-a-la tumɛ min, mɔgɛ si nɛbi wo lɔn Marita nɛbi-bɛrɛ la wo rɔ.”

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 32:15

Mari Sɛnbɛ-Bɛɛ-Tigi, Isirɛlata Alla ko yarɔma, a bon wo, a dugu wo, a wɔli-kɛ-tina wo, wo dama si ma feri-kɛ-fan la tun nyamanɛ kɛ rɔ.”

Yɛrɛmaya 32:44

Mɔgɛnu si anu san ka kɛdi ladan anu nyɔgɔn tɛma. Anu si anu tɔgɛ sɛbɛ a kɔrɔ ka anu mandan sa a ma. Wo kɔma, sereyɛnu fanan si anu tɔgɛ sɛbɛ a kɔrɔ. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ rɔ. A ye mala fanan Yuda nyamanɛ dugula soenu tɔ anubɛ gburukulinu bi nyamanɛ min tɔ. A ko a si nyamanɛ lasɛgi a tiginu ma tun. Ale Mari kan le kɛ la.

Yɛrɛmaya 33:7

A ko a si a ma, Yerusalɛm anubɛ Yuda kɛ tomɛnu ni ma-a-la. A ko a si anu ma iko anu bi nya min nun fɔlɔ.

Isikiyɛli 36:10

N si a ma fanan, anu ni siyaya tun. Anu si to sigini soe wonu tɔ tun, ado soe min bɛɛ ara tinya, anu si wo bɛɛ sɔ tun!

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Hegayi 1:13

Nde, Nɛbi Hegayi ya Marita kumɛ wo latenbi Isirɛla mɔgɛnu ma ko ata lanyiri le kɛ la ko ale si to anu fɛ.

Sakaraya 1:17

Mari Sɛnbɛ-Bɛɛ-Tigi ko ala soenu si sabati tun. A ko a si wole Yerusalɛm kɛnu dɛnbɛ ka wola soe wo ma a halalɛ la tun. Kere Nani Yen-Koe

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Matiyu 26:56

Kɔnɔ kɛ bɛɛ mara alako nɛbinu ya min sɛbɛ Allata kitabu rɔ, wo ni bɔ-a-la.” Nba, karan-dannu bɛɛ bɔra a fɛ ka anu buri.

Matiyu 5:18

Wo ni wo hɛnkili to kɛ ko! Fananta san-kole anubɛ dugu-kole ye nyɔ, hali a nyantarani, a ti bɔ tɔn la fɔ tɔn bɛɛ da ni fa.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”