Aiseya 44:24 - ALLALA KUMƐ

²⁴ Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 44:24 ပူးပေါင်းရင်းမြစ်များ

Yobu 26:7

Alla le ya san-kole rafulen kan-tina-rakolɔn rɔ san ma. A ma dugu-kole dun fenfen na.

Yobu 31:15

Alla min ya n dan, wo le ya nna wɔli-kɛlɛnu fanan dan.

Yobu 37:18

Ile si ke Alla dɛnbɛna san-kole rafulen tinɛ ka a manunku iko nyɛrɛ-mafɛlan min manunkunɛ pinapina?

Yobu 9:8

Mɔgɔ-wo-mɔgɔ ma Alla dɛnbɛ san-kole rafulen tinɛ. A kelen pe le si ke tagamana kɔgɔ-yi kuma.

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 136:6

A ya dugu-kole rafulen kɔgɔ-yi kuma. Ala keninteyɛ dan sa.

Yaburi 71:6

N ya n to ile le ma n siyi-tele-bɛɛ kɔrɔ. I ya n natanka kebi n sɔrɔnta lunyɛ min. Tumɛ bɛɛ, fɔ ka i tanto.

Yaburi 78:35

Anu ya anu miri a ma tun ko anuna kanannɛ le ale Alla la. Anu ya anu miri ko Alla Sɛnbɛ-Bɛɛ-Tigi le wara na anu dɛnbɛ.

Aiseya 40:22

Duninya-dannɛ le siginɛ ala mansaya-waganɛ rɔ. A ye san-kole kɔma duninya kuma pon! Mɔgɛ mani de a yala iko mɛnɛ-mɛnɛnɛnu. A ya san-kole rafulen de iko yorolan, ni wo ma, fani-bɔn.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 42:5

Alla ya san-kole dan ka a rafulen san ma. A ya dugu-kole dan anubɛ a rakɛ-fannu. A ya niyi di mɔgɛ bɛɛ ma. Mari Alla ye a fɔla ala wɔli-kɛlɛ ye ko

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:14

Isirɛlata Alla-sɛnimɛ min bi ma kisila, wo ko a si kɛlɛ-den-siyamɛnu natugu Babilɔn kɛnu kan ma alako anu ni ma kunyɛ bɔ gbaran rɔ. A ko a si nyɔ tarɛ dɛnu keri. A ko nyɔ-mɔgɛnuna tolon si yɛlɛma anu bolo diyi la.

Aiseya 43:7

A halalɛ le male la, ado a ya ma dan a gbiliya-koe le la.

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Aiseya 48:13

A ya duninya kurukɛ a kɔɛn le la ka san-kole rafulen. A ko a wa dugu-kole anubɛ san-kole rakele, wonu si na sɔ a yakɔrɔ tiriya!

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Aiseya 49:1

Wole wula-yanna-mɔgɛnu, wo ni wo tole masɔ. Yanni n ni sɔrɔn, Mari ara n yabɔ, bi ko ma. A ya n yabɔ ka n ma ata wɔli-kɛlɛ la. Kebi n bi n na burɔ, Mari ya n tɔgɛ sa.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 59:20

Mari ko ale kunkalɛ ye nala Yerusalɛm, min si anu nakisi. Yakoba kebilɛ minnu bara anu sɔ anu hakɛ la ka sɛgi Alla ma, a si wonu kunka.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Yɛrɛmaya 10:12

Alla ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko nya-yen le la.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Yɛrɛmaya 51:15

Mari ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko-nya-yen le la.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Yɔni 1:3

Alla ya fan bɛɛ dan ale le baraka rɔ, ado Alla ma fenfen dan ale kɔma.

Kalesiya 1:15

Kɔnɔ yanni n ni sɔrɔn, Alla le ya n yabɔ ata hinɛ fɛ. A ya n kele ko n ni wɔlɛ a ye.

Ɛfɛsa 3:9

Alla min ya fan bɛɛ dan, wo le ya ala gbundu-koe dogon fɔlɔ-mɔgɛnu ma kɔnɔ a ya fɛrɛ di nde ma ko n ni kawandili bɔ alako mɔgɛ bɛɛ ni ata gbundu-koe kɛ nya-yen.

Hiburunu 1:2

kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.