Aiseya 44:22 - ALLALA KUMƐ

²² A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 44:22 ပူးပေါင်းရင်းမြစ်များ

2 Samuwɛli 12:13

Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

2 Ko-Kɔrɔta-Karan 6:21

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ Arinyɛni tɔ ka ma makoto ma hakɛ la.

Nihɛmaya 4:5

Bawo anu bi ma mayɛlɛnna wɔlɛ kɛla ko la, i yandi, i kana anu makoto anu hakɛ wo la hali ka nyina anu sɔn-yogomɛ ko.”

Yobu 37:11

Bandɛ si a nyin masɔgɔ banda-finyɛ rɔ

Yaburi 103:12

Iko tele-bɔɛ fɛ-yan tele-yigi la nya min, a ye ma hakɛ masɛgila ma la wo nya na le.

Yaburi 109:14

A benbanu ya ko-yogomɛ min bɛɛsi ma, alamɛ Mari fonde tora wonu ko. Alamɛ Mari kana a na hakɛ makoto.

Yaburi 130:8

A si wole Isirɛla mɔgɛnu kisi wo hakɛ bɛɛ ma.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 51:9

I kolan bɔ n hakɛ la. N sɔn-yogomɛ bɛɛ firan n na feu!

Bɔ-Koe-Iyipiti 18:9

Mari ya Isirɛla mɔgɛnu bɔ Iyipiti kɛnu bolo tɔ min kɛ ka anu kisi, wo mara sewa-koe la Yɛtiro ye.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 31:6

Mari ya a fɔ n ye ko wole Isirɛla mɔgɛnu bara hakɛ kɛ a la ka anu kan-kɔ sɔ a la. Kɔnɔ a ko wo ni sɛgi a ma kaka.

Aiseya 33:24

Mɔgɔ-wo-mɔgɔ ti kiraya-koe fɔ mala nyamanɛ rɔ, ado hakɛ bɛɛ ma si koto.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Yɛrɛmaya 33:8

A ko anu bara hakɛ min kɛ ale Mari la, a si anu sɛninya hakɛ wo ma. A si anu makoto anuna murutiyɛla ko la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Sakaraya 1:3

Kɔnɔ kaka, a ye a fɔla ko wo ni sɛgi ale Mari ma. A ko ale bɛrɛn si a ya-lamunun wo la.

Sakaraya 3:4

Mari ya a fɔ a nyɛrɛ-kɔrɔ-wɔlilɛnu ye ko anu ni kei kɛla kura-nɔgɔnɛnu bɔ a ma ka ta anu na. Wo kɔma, a ya a fɔ ale Yasowa ye ko, “N bara i hakɛ makoto, ado n bi kura kurɛnu denu dila i ma gbɛ!”

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.