Aiseya 44:2 - ALLALA KUMƐ

² A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 44:2 ပူးပေါင်းရင်းမြစ်များ

Yaburi 46:5

Alla ye soe wo burɔ. Nyɔ ti halaki mumɛ! A si na anu dɛnbɛ sɔgɔma subaga.

Yaburi 71:6

N ya n to ile le ma n siyi-tele-bɛɛ kɔrɔ. I ya n natanka kebi n sɔrɔnta lunyɛ min. Tumɛ bɛɛ, fɔ ka i tanto.

Yaburi 95:6

Wo na, ma ni ma madu ka a bato. Ma ni ma nyɛnkin ma Dali-Mari ye.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:21

Ata mɔgɔ-dannɛ le male Isirɛla mɔgɛnu na, ado ma ni to a matɔgɔ-siginu sala.

Aiseya 43:5

Ma kana kilan bawo a ye ma fɛ. A ko a si na mala mɔgɛnu na ka bɔ tele-bɔɛ anubɛ tele-yigi pon!

Aiseya 43:7

A halalɛ le male la, ado a ya ma dan a gbiliya-koe le la.

Aiseya 44:21

Mari ko male Isirɛla mɔgɛnu, ma yili ni to kɛ ko. A ko ala wɔli-kɛlɛ le male la. A ya ma dan de ka ma ma ata wɔli-kɛlɛnu na, ado a ti nyina ma ko muk!

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 45:11

Isirɛlata Mari Alla-sɛnimɛ, yarɔ-koenu mabɛnnɛ ale min bolo, kɔni, wo ko yo sa wole bolo ka a manyinika ala dannuna ko ma. A bɛnnɛ a ni min ma, a ma bɛn wo ni wo fɔ a ye.

Aiseya 49:1

Wole wula-yanna-mɔgɛnu, wo ni wo tole masɔ. Yanni n ni sɔrɔn, Mari ara n yabɔ, bi ko ma. A ya n yabɔ ka n ma ata wɔli-kɛlɛ la. Kebi n bi n na burɔ, Mari ya n tɔgɛ sa.

Aiseya 49:5

Yanni n ni sɔrɔn, Mari ara n mondo n na burɔ ka n nabɔ alako n ni ata mɔgɛnu nasɛgi a ma ka Isirɛla mɔgɔ-ranyɛnsɛnnɛnu kundɛn. Mari ye nala gbiliyɛ dila n ma ka n sɛnbɛ don.

Yɛrɛmaya 1:5

yanni n ni ma mɔgɔni-finyɛ la n na burɔ, a ya n yabɔ. Yanni n ni sɔrɔn, a ya wɔli-gbɛrɛ dantɛgɛ n ma a dan na. A ya n ma nɛbi la sibole bɛɛ ye.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 33:5

Isirɛla mɔgɛnu anubɛ anuna kun-tiginu ya anu nadɛn Sinayi kɔnkɛ kuma tumɛ min, anu sɔnta Mari la ka ata mansayɛ gbiliya.”

1 Tɛsalonaika 1:4

Ma na-kelen-nyɔgɛnu, ma ya a lɔn ko Alla ara wo keni, ado a ara wo yabɔ ka wo ma atɛ la.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.