Aiseya 44:14 - ALLALA KUMƐ

¹⁴ Tumado a si lɛnkɛ tɛgɛ gbɔngbɔn rɔ, ni wo ma, a ni gbɛni-mele tɛgɛ burɔn kɔrɔ. Ni wo ma, a ni denkerenafan ki ka a makɔni ha wo ni koloya.

Aiseya 44:14 ပူးပေါင်းရင်းမြစ်များ

Aiseya 40:20

Ni a ma ke sɛnɛ anubɛ wodi-gbɛ sɔrɔnna, a si kɔn-mele donu bi min ti tuli. A si boloma-wɔli-kɛlɛ do nyini min kɛwu kɔlɔmanu lɛsɛla alako ala fen-lɛsɛnɛ wo kana na bui.

Aiseya 44:13

Kɔlɔma-lɛsɛlɛ wo si kɔlɔma suma. A si bɛsɛ wo ladan-bole suma kɔlɔma wo ma ka a lɛsɛ dabira. A si a ladan a kin na iko hadama-dan. A wa ban a ladanna, a si ta a sigi a kɔ tinɛ rɔ.

Aiseya 44:15

Kɔlɔma wo do si ma sɔgɛ la. A kundu kelan, a si wo ma a gbala-fan la, a kundi doi, a si wo ma biredi-mintan-fan la. A toe si ma bɛsɛ wo la a si to min kɔla.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Habakuku 2:19

Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.