Aiseya 44:13 - ALLALA KUMƐ

¹³ Kɔlɔma-lɛsɛlɛ wo si kɔlɔma suma. A si bɛsɛ wo ladan-bole suma kɔlɔma wo ma ka a lɛsɛ dabira. A si a ladan a kin na iko hadama-dan. A wa ban a ladanna, a si ta a sigi a kɔ tinɛ rɔ.

Aiseya 44:13 ပူးပေါင်းရင်းမြစ်များ

Ko-Dabirɛnu 31:30

Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”

Ko-Dabirɛnu 31:32

Ma na-kelen-nyɔgɛ kɛnu ni ma sereyɛ la. I ya lakalan mabɛ nna denbayɛnu tɛma. Ni i ya i bolo-fen-nyantarani nabɔ mɔgɔ-wo-mɔgɔ bolo bɔn la, wo ni faga.” Kɔnɔ Yakoba ma a lɔn nun ko Resɛli ara a fala bɛsɛ wonu kankan.

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

Aiseya 41:7

Kɔlɔma-lɛsɛlɛ ye a fɔla siyaki ye ko, ‘Wo ara bɛn.’ Min bi sɛnɛ nɔrɔla bɛsɛ ma, wo ye a gbangbannɛ matɔgɔla. Kɔlɔma-lɛsɛlɛ ye a fɔla sɛnɛ-tatugulɛ ma ko, ‘Ila wɔlɛ wo ara bɛn gbetu!’ Wo kɔma, a si bɛsɛ wo gbangban kan tinɛ do rɔ anu dɛnbɛn-koe la a ti bui kan min.”

Aiseya 44:14

Tumado a si lɛnkɛ tɛgɛ gbɔngbɔn rɔ, ni wo ma, a ni gbɛni-mele tɛgɛ burɔn kɔrɔ. Ni wo ma, a ni denkerenafan ki ka a makɔni ha wo ni koloya.

Isikiyɛli 8:10

N donta. N ma fenfen taran dandan ma nyɔ fɔ duguma-fannuna muninyɛ anubɛ sogo-haramunɛnuna muninyɛnu anubɛ Alla gboyana-bɛsɛnu Isirɛla bɔnsɔn-mɔgɛnu bi minnu kɔla.

Isikiyɛli 8:11

Isirɛla bɔnsɔn-mɔgɔ-ba bi-wɔrɔnfila ye nyɔ. Safanla den Yeyasanaya ye anu tɛma. Isɛnti-mintan-fannu bi anu kelen-kelennamɛ bolo. Ta-sisi ye bɔla isɛnti wonu tɔ min sumɛ diyanɛ.

Isikiyɛli 8:12

Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.

Romu 1:23

Habadan-Alla min bi nyɔ, anu ti sɔn wo gbiliyala fɔ niyi sa fan minnu tɔ, anu bi wonu denu kɔla. Anu ya wonu nadan anu bole le la, ado mɔgɛnuna muninyɛ le wonu na anubɛ konanu anubɛ sogenu anubɛ nima-fan bɛɛ.

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

Tɔn-Fɔɛ-Fila-Nyɔgɛ 4:28

Mɔgɔ-gbɛrɛkɛnu bara bɛsɛ minnu nadan anu nyɛrɛ bole la, wo si wonu kɔ. Bɛsɛ wonu ti ke fen yenna, anu ti ke fan sumɛ birala, anu ti ke fen dɔnna, anu ti ke ko lamɔɛnna bawo kɔlɔma anubɛ kuri le wonu na mɔgɛnu ya minnu nadan anu bole la.

Kɛlɛ-Kurugbɛnu 18:24

Maika ko, “Wo ara nna saraka-masɔlɛ bi n bolo anubɛ n ya bɛsɛ minnu nadan, wo ye a fɔla n ma ko, ‘Nfen mara?’ Wo ya nfen to n bolo gbɛ?”