Aiseya 43:9 - ALLALA KUMƐ

⁹ A ko ma ni sibole bɛɛ kundɛn. Anuna bɛsi-nyamintan si ke sinan-koe fɔla? Ma ye koe min kun na kaka, anuna bɛsi-nyamintan ya wo rakaran nun? Bɛsɛnu fanan ni na anu serenu na alako ma ni a lɔn ko anu yo. Anu ni a fɔ ko anu bara tonyɛ fɔ.

Aiseya 43:9 ပူးပေါင်းရင်းမြစ်များ

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Aiseya 34:1

Wole sibolo-gbɛrɛnu, wo dama ni na ka wo tole masɔ. Mɔgɛ min bɛɛ ye dugu-kole kuma, wo ni na ka wo tole masɔ.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 43:26

Mari ko ma dama ni ta kiti-bɔn la ka a maburi nyɔ rɔ. Ma ni mala kiti layɛlɛ ka a yira ko yoe ye ma bolo.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Aiseya 48:14

A ko wo bɛɛsi ni wo kundɛn ka wo tole masɔ. Bɛsi-wo-bɛsi ti yarɔ-koe fɔ ko ata mɔgɔ-yabɔnɛ si Babilɔn kɛlɛ. Ale Mari ye nyinina min ma, ata mɔgɔ-yabɔnɛ ye wo le kɛla a ye.

Aiseya 48:3

Mari ya a fɔ Isirɛla mɔgɛnu ye ko, koe min bi nala mala, bi-ko-ma wo miriyɛ ye a bolo, ado a ma mɛ lefan, wonu bɔra a la tiriya!

Yowɛli 3:11

Wole sibole minnu bi Yuda nyamanɛla foolɛ rɔ, wo ni wo latiriya nala ka wo kun bɛn lɛɛ rɔ.” E, Mari, ila kɛlɛ-dannu nayigi anu kan ma.