Aiseya 43:7 - ALLALA KUMƐ

⁷ A halalɛ le male la, ado a ya ma dan a gbiliya-koe le la.

Aiseya 43:7 ပူးပေါင်းရင်းမြစ်များ

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 29:23

A wa ban dan latasakarala wo ma tumɛ min, a ko wo si a lɔn wo le ma ko ale le Isirɛlata Mari Alla-sɛnimɛ la. A ko wo si a gbiliya ka kawa a ma.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:21

Ata mɔgɔ-dannɛ le male Isirɛla mɔgɛnu na, ado ma ni to a matɔgɔ-siginu sala.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 48:11

Tɔ-a-la, a ko a ye koe kɛ bɛɛ kɛla a nyɛrɛ le ye. A ti sɔn a tɔgɛ la ni fɛya Ala gbiliyɛ kana ta mɔgɔ-gbɛrɛ ma. A kelen pe le si wo sɔrɔn.

Aiseya 56:5

a si a ma, a tɔgɛ ti tunu Bato-Bɔn la. Gbiliyɛ wo fisa a ye dan ko. A si tɔgɛ di a ma min ti bɔ mɔgɛnu burɔ muk!

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 63:19

Mɔgɛ donu bi nyɔ, i ma minnu mara wɛ tele-kelen-bɛrɛni! I tɔgɔ ma sa wonu kuma lun-kelen lun-tala, ado male ara ma le gbɛ iko mɔgɛ wonu.

Yɛrɛmaya 14:9

I mani de iko anu bi mɔgɛ min natɛrɛnala kɛlɛ la. I mani de iko kɛlɛ-nyana min ti ke mɔgɛ kunyɛ bɔla ko rɔ. Kɔnɔ Mari, hali wo, i ye ma tɛma. Ma ye ila hɔrɔmɛ rɔ. Woletɔ i kana ma boloka bawo ma dɛnbɛna sa.

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Daniyɛli 9:18

E, Alla, i wɔlɔ matɔlɔ ma la. I ni i kolan maka, i ni a yen ma tɔrɔyanɛ nya min. I ni a yen fanan ko i tɔgɛ sanɛ soe min kuma, wo ye tɔrɔya-sufa min tɔ. Ka a fɔ ma telennɛ, woletɔ ma ye i matarala, wo ma de! Ma ye i matarala bawo ila kinikinɛ kolo ma wara la.

Daniyɛli 9:19

E, n tigi, i wɔlɔ matɔlɔ ma la. E, n tigi, ma makoto. E, n tigi, ma makoe kɛnu nyinya. I kana matanbani kɛ woletɔ mɔgɛ bɛɛ si a lɔn ko ile le Alla la, ado i ya a lɔn ko i tɔgɛ ye soe kɛ anubɛ ila mɔgɛnu kuma.”

Emɔsi 9:12

A ko Idɔm nyamani-toe min tora a bibɛlɛ nun, ata Isirɛla mɔgɛnu si wo fanan nɔ ka anubɛ sibole doinutɛ ma anutɛ la. Mari ko a nyɛrɛ gbɛ le wo bɛɛ la.

Yɔni 15:8

Ni wo gbɔra bɛrɛkɛ, n Fa Allala gbiliyɛ si bɔ gbɛ rɔ wo fɛ. Woletɔ wo si ma nna karan-den-bɛrɛnu na.

Kɛwɔlɛnu 11:26

A ya a yen tumɛ min, a nara a la Antiyaki. San kelen kɔrɔ, anu mɔgɔ filɛ tora ladɛn kɛla Mari Yisata mɔgɛnu fɛ nyɔ ka nyama-ba karan. Antiyaki soe burɔ, Yisata mɔgɛnu tɔgɔ kele fɔlɔtɛ kɛra ko Kirasitita mɔgɛnu.

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 6:15

Ni mɔgɔ kemininyara wo, ni a ma kemininya wo, tana-wo-tana ma wo la. Kɔnɔ min kolo, alako dɔrɔn ma ni ma mɔgɔ-kurɛ la Kirasiti ye.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Yemesi 2:7

Alla ara tɔgɔ-nyimɛ min di wo ma, wonu denu bi kuma-yogomɛ fɔla wo ma.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Pita 4:11

Ni min bi kawandili bɔla, wo ni kuma iko a bɛnta, Allala kawandili-bɔlɛ ni kuma nya min. Ni min bi wɔli-gbɛrɛkɛ kɛla, wo tigi ni wɔli a sɛnbɛ la iko Alla ya a di a ma nya min. Woletɔ bɛɛ si Alla tanto koe bɛɛla ko la Yisa Kirasiti baraka rɔ, minta ye gbiliyɛ anubɛ sɛnbɛ la habadan! Amina.

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.