Aiseya 43:6 - ALLALA KUMƐ

⁶ A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 43:6 ပူးပေါင်းရင်းမြစ်များ

Yaburi 107:3

ka na wo la ka bɔ nyamani-gbɛrɛkɛnu tɔ. A tele-bɔɛ wara la wo, a tele-yigi wara la wo, a kantɔ-wara la wo, a dugula wara la wo, ata mɔgɛ bɛɛ nara le ka bɔ wo bɛɛ rɔ.

Aiseya 11:12

Mari tenbi Isirɛla mɔgɛnu anubɛ Yuda mɔgɛnu kundɛnna ka bɔ duninya-tonko-nanɛ bɛɛ rɔ, a si falafalɛ layɛlɛ tamasereyɛ la ka wo yira duninya bɛɛ la.

Aiseya 18:7

Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 49:12

A ko ata mɔgɛnu si na ka bɔ wula-yan la. Anu si bɔ kantɔ anubɛ tele-yigi wara la ka bɔ Asuwan soe fanan dugula wara la.

Aiseya 49:22

Ma Tigi Mari ya a fɔ male ata mɔgɛnu ye ko a wa a kɔɛn keri sibolo-gbɛrɛnu ye tumɛ min, wonu si na anuna dannu na i ma tun.

Aiseya 54:3

Wo ni wo karan bawo i ma si kofu i maran anubɛ i bolo-nyimɛ rɔ. Ila dannu si sibolo-gbɛrɛnu mara. Ila dannu si sigi tonbon-kɔrɛnu tɔ.

Aiseya 60:4

Yerusalɛm, i fɛlɛ bɛɛ mafɛlɛn. Mɔgɛnu bi anu kundɛnna ka na i wara. Ila den-keinu bi nala ka bɔ wula-yan la pon! Ila dunmusinu fanan bi nala wonu fɛ.

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Yɛrɛmaya 23:8

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu, a ara ma ranyɛnsɛn kan min.” Wo si a taran, wo siginɛ wo halala-nyamanɛ rɔ.

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Isikiyɛli 36:24

N si anu bɔ sibolo-gbɛrɛnu tɛma kan-tinɛ bɛɛ rɔ ka anu nasɛgi tun anu halala-nyamanɛ rɔ.

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Yowɛli 3:7

Kɔnɔ a ko kaka, wo ara ala mɔgɛ minnu mayira, a si na wonu na tun ka bɔ kan tinɛ wonu tɔ. A ko a si a ma, wole fanan na iko wo ara a ma ata mɔgɛnu na nya min.

Sakaraya 6:6

So-finyɛnu bi kirindi min saganna, wonu tamatoe Babilɔn wara la le. So-gbɛnu tamatoe tele-yigi wara la. So-mapusan wonu tamatoe Iyipiti nyamanɛ wara la.

Tɔn-Fɔɛ-Fila-Nyɔgɛ 30:4

Hali wo tara duninya-tonko-nanɛ bɛɛ rɔ, wota Mari Alla si wo kundɛn ka na wo la lanyiri-nyamanɛ rɔ.