Aiseya 43:3 - ALLALA KUMƐ

³ A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 43:3 ပူးပေါင်းရင်းမြစ်များ

Ko-Dabirɛnu 10:7

Hamala den Kusi wo ya den mɔgɔ loli sɔrɔn, Siba wo, Hafila wo, Sabata wo, Reyama wo, anubɛ Sabiteka. Kusila den Reyama wo ya den mɔgɔ fila sɔrɔn, Siba anubɛ Didan.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Bɔ-Koe-Iyipiti 10:7

Mansɛla mɔgɔ-banu ya a fɔ ale mansɛ ye ko, “Kei kɛ si a fara gbɛrɛ lasigila ma ye tumɛ mintan? A fisa, i ni mɔgɛ kɛnu boloka alako anu ni ta anuta Mari Alla bato tinɛ. Ile ma a lɔn fɔlɔn ko Iyipiti nyamanɛ ara ban tinyana?”

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Hɛnkilimaya-Kumɛnu 11:8

Telenbagayɛ si mɔgɔ-telennɛnu bɔ nanparan rɔ, ado mɔgɔ-karagbɛlɛnu si don wo dɛ la.

Hɛnkilimaya-Kumɛnu 21:18

Karagbɛlɛnu bi anu mirila ko-yogomɛ minnu sigi koe rɔ mɔgɔ-telennɛnu ma, wo ye sɛgila anu denu denu kɔgɔ rɔ.

Aiseya 19:20

Fen filɛ wonu si ma Mari Sɛnbɛ-Bɛɛ-Tigita tamasere la Iyipiti nyamanɛ rɔ. Mɔgɛ wonu tenbi tɔrɔyɛ rɔ tumɛ min, anu ba Mari kele anu dɛnbɛn-koe la, a si kinikini anu ma ka anu nakanan.

Aiseya 20:3

Anu ban Asadadi soe birala, Mari ya a fɔ ko nde, ata wɔli-kɛla Aiseya ye tagamana n kin-takolɔn anubɛ n gbu-makolɔn san sawa kɔrɔ. Mari ko min bi nala mala Iyipiti anubɛ Sudan ye, wo tamasere le kɛ la.

Aiseya 30:11

I bɔ ma lagbaranna. Ma sa nyinina ita Isirɛla mɔgɛnuta Alla-sɛnimɛ wara-koe ma.”

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 45:15

Isirɛlata Alla min bi ata mɔgɛnu nakananna, anu si a fɔ ko Alla le ale la, hadama-dannu ti min yen anu yɛ la.

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 63:8

Mari ko ata mɔgɛ le Isirɛla mɔgɛ kɛnu na. A ko anu ti foninyɛ fɔ a ye ka a yanfa. Woletɔ a ya anu kisi.

Yɛrɛmaya 14:8

Alla, Isirɛla mɔgɛnu yigi le ile la. Isirɛla mɔgɛnu ya yakɔrɔ-mamɔɛ sɔrɔn tuma-wo-tuma, i si anu denkun. Kɔnɔ kaka gbɛ, ile ye sundanyɛ le la nyamanɛ kɛ rɔ. I mani de iko mɔgɛ min bi belenna kila ka tenbi.

Yɛrɛmaya 16:21

Mari ko a si sibolenu karan ata sɛnbɛ-makawanɛ la. Anu si a lɔn worɔ ko ale le ye Mariyɛ la.

Isikiyɛli 39:7

N si a ma serr, nta Isirɛla mɔgɛnu si a lɔn ko n tɔgɛ sɛninyanɛ. N ti sɔn n tɔgɔ-lafɛya-koe ma tun. Wo wa ma tumɛ min, sibolenu si a lɔn wo rɔ ko nde, Mari le Isirɛlata Alla-sɛnimɛ la.”

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Saraka-Masɔlɛnuta Tɔnnu 11:44

Nde le wota Mari Alla la min bi a fɔla wo ye ko, ‘Wo ni wo nyɛrɛ mara sɛninyɛ rɔ bawo nde sɛnima.

Emɔsi 9:7

Mari ko wole Isirɛla mɔgɛnu, wobɛ Sudan kɛnu takɛn a ya la. A ko a nara Filisitinu na ka bɔ Kariti yi-tɛma-dugi rɔ. A nara Siriyanu na ka bɔ Kira nyamanɛ rɔ. A ko a nara wole fanan na ka bɔ Iyipiti nyamanɛ rɔ wo nya na le.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.