Aiseya 43:25 - ALLALA KUMƐ

²⁵ Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 43:25 ပူးပေါင်းရင်းမြစ်များ

2 Ko-Kɔrɔta-Karan 6:21

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ Arinyɛni tɔ ka ma makoto ma hakɛ la.

Yaburi 103:12

Iko tele-bɔɛ fɛ-yan tele-yigi la nya min, a ye ma hakɛ masɛgila ma la wo nya na le.

Yaburi 103:3

A ye n hakɛ mumɛ bɛɛ makotola ka nna kirayɛ bɛɛ dandan.

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Yaburi 25:7

N bara hakɛ anubɛ ko-yogomɛ minnu kɛ nun nna denniya-wati rɔ, i ni n makoto wonu na. I ni i hɛnkili to n ko bawo ila mɔgɛnu di i ye, ado a di i ye, i ni ko-nyimɛnu kɛ anu ye.

Yaburi 51:3

N ya nta yulumunu lɔn. N hakɛ ye n yakɔrɔ tolon!

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Yaburi 51:9

I kolan bɔ n hakɛ la. N sɔn-yogomɛ bɛɛ firan n na feu!

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 37:35

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 48:11

Tɔ-a-la, a ko a ye koe kɛ bɛɛ kɛla a nyɛrɛ le ye. A ti sɔn a tɔgɛ la ni fɛya Ala gbiliyɛ kana ta mɔgɔ-gbɛrɛ ma. A kelen pe le si wo sɔrɔn.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Aiseya 64:9

E, Mari, i kana diminya-belebele kɛ ma ma, ado i yili kana to ma hakɛnu ko mumɛ! I yandi, i kolan lasɛgi ma ma bawo i halalɛ le male la.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Isikiyɛli 18:22

N si nyina a hakɛ bɛɛ ko. A si to a niyi la bawo a ara ko-telennɛ kɛ.

Isikiyɛli 20:14

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Isikiyɛli 20:22

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Isikiyɛli 20:9

Kɔnɔ n ya a bira n tɔ. Ni n ya wo ma nun, wo si ma nyɛrɛ-lafɛyɛ la n bolo sibolo-gbɛrɛnu yala bawo n bara ban a lagbɛla anu ye nun ko n si anu nabɔ Iyipiti.

Isikiyɛli 33:16

N si a makoto ala ko-yogomɛla ko la. A si to a niyi la bawo a ara ko-nyimɛ anubɛ ko-telennɛ ma.

Isikiyɛli 36:22

“Woletɔ nde, i Tigi Marita kumɛ kɛ latenbi Isirɛla mɔgɛnu ma. A fɔ anu ye ko anu tara kan-tinɛ min bɛɛ rɔ, anu ya a ma, n tɔgɛ tinyanta wo dama rɔ. Kɔnɔ n bi Isirɛla mɔgɛnu nawɔlila alako ka a yira sibolo-gbɛrɛnu na ko n sɛnima. N sa wo mala Isirɛla mɔgɛnu tɔgɔ la. N bi wo mala n tɔgɔ-sɛnimɛ lela ko la ka a yira sibolo-gbɛrɛnu na ko n sɛnima. Anu si a lɔn wo le ma ko anu Tigi Mari le nde la. Nde ara ban kɛ fɔla.

Isikiyɛli 36:32

A sɔgɛ ye n na le, Isirɛla ni a lɔn ko n sa wo mala Isirɛla mɔgɛnu tɔgɛ la. A sɔgɛ ye n na le, anu ni yarabi ka miliya ka a tɛgɛ anu bi koe minnu kun na. Nde, anu Tigi Mari ara ban kɛ fɔla.

Maraka 2:7

“Yon bi kei kɛ la min bi Alla lafɛyala? Mɔgɔ-wo-mɔgɔ ti ke hakɛ makotola fɔ Alla kelen pe!”

Luka 5:21

Tɔn-karan-mɔgɛnu anubɛ Farisinu wulita anu nyɔgɔn sɔsɔla ko, “Yon bi kei kɛ la min bi Alla lafɛyala? Mɔgɔ-wo-mɔgɔ ti ke hakɛ makotola fɔ Alla kelen pe!”

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 1:8

a ya min nabon ma kuma, kɔni. A ara ban a latɛgɛla Yisa Kirasiti baraka rɔ ata hɛnkili anubɛ ata lɔnnɛ fɛ ko a ni a nyɛrɛta gbundu-koe labɔ gbɛ rɔ ma ye.

Hiburunu 10:17

Wo kɔma, a ko, “N miriya ti to anu hakɛnu ko tun. N yili ti to anuna kɛwɔli-yogomɛnu ko tun.”

Hiburunu 8:12

Alla ko, “N si anu hakɛ makoto. N ti n hɛnkili to anu sɔn-yogomɛ ko tun.”